بصراحة أنا أوافق أخ طاغور بأنّه ليس للهيئة الحق باقتحام المكان واقتياد يارا ومن معها .. وهذا اعتداء على حرّيتهم

وثانيًا: أعتقد إن السبب في عدم جلوسها في مكان عام في المقهى واضح في الخبر بأنه ممنوع أن يجلس اثنين من جنس مختلف على طاولة واحدة

وثالثُا: أعتقد ان أي إنسان يقدر يميّز طريقة القعدة إذا كان فيها شبهة أو لا==>> فما بالكم برجال الهيئة ذوو الخبرة في اصطياد المخالفين

ورابعًا: ما بقول اسمحوا بالاختلاط.. بس هذي بصراحة مو طريقة للتعامل..

خامسًا وهو الأهم: يبون يسترون على المجتمع السعودي.. شوفوا وش سووا في يارا اللي هي جزء من المجتمع السعودي.. شهّروا فيها واقتادوها كأنها مرتكبة جريمة شنيعة.. "ومن ستر على مؤمن ستر الله عليه يوم القيامة"

اللي يبون يوصلون له الهيئة حق مشروع بأنهم يبحثون عن تحقيق مجتمع مسلم ملتزم.. بس الطريقة اللي قاعدين يستخدمونها ما أعتقد أي دين يرضى فيها

هذا رأيي.. والاختلاف في الرأي لا يفسد للود قضية

ودمتم