{ عندمآآ تمتزج روعة الكلمه وآلآلقآآء المميز بجزآآلة الشآعر .. يكـــــون "حـآمد زيد " . . . . .
يا شعر تبقى في نظرهم كحيلان
وبنظرتي تسوى عيال الحمايل
حنا الاثنين اخوان واكثر من اخوان
لو ما اجتمعنا بالنسب والسلايل
لو نختلف بأسماء وعروق وأوطان
يبقى التشابه بيننا بالخصايل
وانا ليا مني نويت أكسب إنسان
أسعى له بكل السبل والوسايل
أعرف كيف ارد الاحسان باحسان
وكيف احصد بذور الفضايل فضايل
عايش زمن عاصرت به كل الازمان
ما اعيل بس انطح ثمانين عايل
اكسب عدو واحرق به قلوب عدوان
اشعل فتيله بس أطفي فتايل
إن خفت ضعف أخاف من ضعف الإيمان
وإن عفت حمل أعاف حمل الجمايل
ما أضمى على الساحل ولو مت غرقان
لو مركبي تابوت والموج هايل
أغرق شهيد أرحم من أموت عطشان
طيحة شموخ ولا وقوف متمايل
ودك ليامن جيت في كل ميدان
لو ما انت الاول بالصفوف الأوايل
خلك ليا عودت خسران خسران
ينقال عنك عامل(ن) لك عمايل
لا صرت تحلم احلم تكون سلطان
وان جيت تقنع اقنع بحلم زايل
الوقت غربة وآخر الدرب عنوان
والعمر رحله والتجارب رحايل
وانا كثر مالي من الناس خلان
اللي صفولي بالشدايد قلايل
شايف حسد.؟!. قل شايف اشكال والوان
قابلت ظلم.؟! . الا لقيت الهوايل
وإن عشعش بصدري من الغبن شيطان
وتسددت دوني جميع الوسايل
بلقى من عيال الحمايل كحيلان
اللي يكفي عن عيال الحمايل
مرات ربك يرزقك خوة إنسان
واحد ويسوى في عيونك قبايل
ولكــن آذآ آجتمعت عذوبة اللحن مع روعة الكلمه .. يكـــون مع " سمير البشيري " }