يالغالي لا تقول المستوى الاخير صعب والمستوى الاول سهل
جرب بنفسك اول ما رحنا اول ثانوي قلنا صعب بعدين رحنا ثاني ثانوي قلنا اصعب بعدين ثالث قلنا اصعب الخ
لا تسئل واحد معدي المستوى بكل تاكيد بقلك المستوى اللي هو فيه صعب واللي راح سهل
قبل نختبر قلنا صعبه ويوم خلصنا اختبار قلنا سهله
الزبدة كل شيء مقدور عليه واللي يبي انقليزي لا يتردد والله انه سهل لمن اجتهد
انا طلعت من الثنوي ماعرف الا اسمي بالانقليزي لسبب حشو المنهج وسوء التدريس
بعد ماتوظفت عملي يتطلب لغة انجليزية سنتين دبلوم قبل الوظيفة والحمد لله طلعت بنتيجة ماشفتها بالثنوي
الان اكثر من عشر سنوات مخلص الثنوي واسهل مادة اختبرتها الانجليزي بالمذاكرة اسهل بكثير من النحو لكن النحو جاتنا اسئلة كثير من حق العام ولا لو مغير كامل الاسئلة كان حفرنا لان النحو من جد صعب بالنسبة لي
المهم اللي يبي الانقلش لا يتردد بسبب الاختبار الماضي ماهو مقياس اللي بيجتهد ويشتري كتب مساعدة من المكتبات ويتابع كل المحاضرات صدقوني راح يستفيد ويتطور
صحيح ان الدكتور شرحه سيء في التوضيح وايصال المعلومة ولا يراعي الطبقة الاقل مستوى ولا يترجم بالعربية الا نادر
لكن برضه الي يبي يتعلم يقدر يوقف عند النقطه الغامضه عنده ويتوسع في فهمها سواء باستخدام النت او شراء كتب الخ ويبدأ المحاضرات اول بآول
هذا الي عندي واعتذر على الاطالة