وكمان راح اشرح الفرق بين المربعين بناء على طلب الاخ حسين
الفرق الي هو الإشاره السالبه اللي بين العددين والمربعين اللي هي الاس رقم 2 او يكون حاجه مضروبه في نفسها مرتين مثل العدد 2 لو ضربناه في نفسو مرتين راح يعطينا 4 وكمان الرقم 8 لو ضربناه في نفسو مرتين راح يعطينا 64
والــ 64 تسمى مربع للــعدد 8
وهذا باختصار اللي يقصده لما يقول جذر تربيعي يعني لو حطلك رقم تحت الجذر رقم 64 راح تطلعه من تحت الجذر بــ8
ولو حطلك تحت الجذر 9 انت راح تطلعو بــ 3 لانو 3 ضرب 3 = 9
طيب هذا مثال للتوضيح اكثر
لو عطاك مثلاً ( 16 س ^2 _ ص^2 )
كيف راح تحل هالبتاع اللي قدامك
بسهوووله تامه دامك شفت التربيع اعرف انو يبغالك تطلع الجذور التربيعيه لهاحقتها
الـــ 16س^2 هو حاصل ضرب 4 في 4 اذاً االجذر التربيعي للــ 16 هو 4 والــ س^2 جذرها هو س
اما ص^2 فجذرها التربيعي هو ص
كيف راح نجمع هالحل كلو ؟؟
دامنا طلعنا الجذور التربيعيه حلينا نص السالفه وباقي بس نحطها على صوره مرتبه
وهذي هي الصوره الي راح نحطها فيه
( جذر الأول + جذر الثاني ) ( جذر الاول - جذر الثاني )
( 4س + ص ) ( 4س - ص )
وحلينا الازمه
وان شا الله تكونو فهمتو
وهذا كل المعلومات اللي عندي وقدرت اوصلها لكم