ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية هنااا مراجعة مادة الترجمة الأبداعية

P e a c e · 2013- 12- 26

اقتباس:

المشاركة الأصلية كتبت بواسطة Randz

نسأل الله أن يوفقنا لما يحبه ويرضاه..~

بالنسبة لترجمة المقطع اللي من تاجر البندقية ..

كلمة Lending money gratis معناها: اقتراض المال بدون فوائد

أصلا ترجمة الدكتور كلها بكل الخيارات اللي فيها ماش

لإن شايلوك كان معصب على أنطونيو لإنه يقرض المال للناس بدون فوائد

معلومة عن مسرحية تاجر البندقية: <-- اللي ما عنده وقت لا يقرأ ويضيع وقته

شايلوك كان رجل يهودي .. أكل عيشه كان بإنه يعطي قروض للناس وياخذ عليها فوائد

أنطونيو كان نفر كويس

.. كان تاجر بس بنفس الوقت كان يقرض الناس لكن بدون ما ياخذ منهم فوائد
طبعا هذا الشي كان مخرب على شايلوك
عشان كذا شايلوك كان يكره أنطونيو

المهم صديق أنطونيو كان يبي يتسلف فلوس عشان يعرس على قولة تباريح

بس شايلوك قال .. أنا بجرب طريقة أنطونيو وأعطيك فلوس بدون فوائد .. بس بشرط .. إذا صار وقت تسديد الدين وما سددتوا .. أبي المقابل يكون رطل واحد من لحم أنطونيو

أنطونيو عشان يساعد خويه وافق ووقع العقد

جا وقت تسديد الدين وشايلوك جر أنطونيو للمحكمة وقالهم أنا متفق مع ذا الرجال إذا صار وقت إعادة القرض ولسه ما دفعلي أبي رطل من لحمه

وقتها، شايلوك عبر عن السبب الحقيقي اللي يكره أنطونيو بسببه واللي هو

This is the fool that lent out money gratis

يعني هذا الأحمق اللي كان يعير الناس بدون فوائد <-- مع إنه ماله دخل بالسالفة هو ما يبي منه فلوس يبي لحمه

هاذي صورة شايلوك وهو يقول للسجان:

طالعله ولا تقولي أرحمه لإن هذا المخيس اللي يقرض الناس بدون فوائد ..

وهذا أنطونيو واقف مؤدب

الزبدة إن والله ما عندي سالفة

ومو متأكدة وش الإجابة الصحيحة بس راح اختبار الإجابة اللي فيها [فوائد]

كلامك معقول

أنا كنت أقارن بين الثالثة والرابعة

بعدين انتبهت أن الثانية أفضل من الثالثة

خصوصا أن فيها كلمة "الأحمق"

بالإضافة إلى كلمة "فوائد"

أنا أختار B