2013- 12- 27
|
#149
|
|
أكـاديـمـي ألـمـاسـي
|
رد: انطباعكم عن اختبار السياسي
السلام عليكم ورحمة الله وبركاتة
أسعد الله أوقاتكم بكل خير
أولاً : الشكر لله والحمد لله على كل حال
ثانياً : أتمنى أتمنى وأعتبروا هذي الأمنية طلب من أخوكم
أن نبتعد عن الألفاظ اللي لا تعكس أسلوبنا وتربيتنا مهما حصل
وفالأول والأخير يعتبر الدكتور أستاذنا حتى وأن أخطاء فالعفو من
شيم الكرام وأنتم كلكم كرام أبناء كرام , والموفق هو الله ما هو الدكتور
أنا ولله جيت متأخر هنا ولي يومين من وقت الأختبار إلى اليوم الجمعة ما دخلت
لأنها قافله معي من الأختبار بصراحة , وأول مره من دخلت الجامعة تمر علي أسئلة
زي كذا , ذاكرت المحتوى كامل وثلاث نماذج الأختبارات السابقة وأسئلة المراجعة حقت أخونا الفاروق وأخونا من وإلى ! وكنت جاي الأختبار متحمس لكن من أول سؤال بدأت تتوالا الصدمات إلين أنغبنت في نص الأسئلة , زعلت على الأسلوب
اللي لا يرتقي لمستوى دكتور في جامعة سعودية ولا يناسبه كمعلم يؤدي رسالته !!
وزعلت على المراوغة اللي مالها أي مبرر في الأسئلة !!
أنا متأكد أن 90% من الطلاب ذاكروا المحتوى لكن بعد الأسئلة صابتهم صدمه !!
المادة سهله وفقراتها واضحه ولا فيها أي تشابك أو ترابط غامض لكن الدكتور حسسني
أنه ناوي يخرجنا علماء ذرهـ من وراها !! الله يهديه وينور بصيرته
لكن الأهم والأحراء الأن أن حنا ما نلتفت للي راح ونتركه على الله فهو المقدر سبحانه
الأن نركز على الجاي وكل مطرود ملحوق والله يوفقنا ويوفقكم لما يحبه ويرضاهـ
|
|
التعديل الأخير تم بواسطة %حصن الزعامهـ% ; 2013- 12- 27 الساعة 04:50 AM
|
|
|
|