السلام عليكم
الاختبار مح أقول صعب لكن فعلا معفن ,,اختبار زي شرح الدكتور بالزبط
بعدين ايش تتوقعوا من دكتور مهو متمكن من المادة ويحل غلط
في المسجلة وقلت طيب يمكن زلااااات لسان ويغلط الانسان
بس عاد حتى في المباشرة
الطالبات يسألوه ايش الحل يقوم يسألها انتي ايش حليتي
ايش نستهبل احنا
والاكشن لما تقولو هيا ايش حلت ي,,,قوم يقولها ايوة ممكن
ولا الأخطر لما يقول انا احس انو كده
يا ماااال ال ***** هادي لغة ليها قواعد مافي شي اسمه احس
روح حسحس في بيتكم ومو مع طلاب جايين يتعلمو
حسبي الله عليه من دكتور وحسبي الله على كل مين ساعده يوصل لمنصب تدريس وهو عارف انو البني الآدم دا فاشل في التدريس
اتمنى يسجل معانا ويدرس انجليزي تاني
لا قراءة صحيحة
لا ترجمة صحيحة
لا شرح عدل
ولا أسألة عدلة
زي السؤال التاني في نموذج e
:connect with
related
associated with
الاجابتين صحيحة وما اتوقع الاستاذ بذكاء انه حيحطلك اسئلة من نوع اجابة صحيحة والاجابة الأكثر صحة
associated هيا الأصح لأنه هيا يلي تجي معاها with
لكن related تجي معاها to
وعلى كل اصلا الكلمتين يستخدموهم لترجمة بعض
المهم ما علينا من الاختبار انا عتبي كله على الأستاذ
وبما إنه مافي حل الواحد يقدر يسويه عشان الطلاب يلي بعدنا مساكين ما يتنكبو
فمافي غير إني أدعي
الله يبعدك عن طريقنا يا محبوب ولا يلقينا بيك في مادة تانية الين ما نتخرج
عشان أنا دخلت الجامعة ابغى اتعلم مو أبغى أعلم الدكتور يلي المفروض يعلمني
الاختبار سهل جدا لأي شخص صحيح عنده خلفية لو بسيطة في اللغة الانجليزية
والله ربي يشهد عليا اني حتى محاضراته ما افتحها من الهبل يلي فيها
فتحت المباشرة بس عشان قلت يمكن يصلح اغلاطة
لكن للأسف صدمني بأجوبته للطلابات
وشخصيته التهكمية يلي تنظر بدونية وسخريه لبعض الأسئلة يعني معليش والله فوزي سليسلي كنت أعذره لما يتريق على الطالبات اسمه من جد شكله متشرب المادة حقته
لكن انت ,,,ابغى افهم بأي وجه حق تتكلم بالأسلوب دا
أصلا من يوم ما قال (حتى لو بتحفظو القطع عادي احفظوها مو كتير )
أنا غسلت يدي منه
انت تبغى تعلمنا رايتنج ولا تبغى تنميلنا الذاكرة