السلام عليكم . . وأسعد الله صباحكم

أول شيء الله يوفق الدكتور صابر عبدالباقي ويجزاه خير اللي سهل مادته وجاب أسئله سهله ومكرره فالحمد لله كنت متخوف من هالماده وكثرة علمائها لكن وفقنا الله . . أدري متأخر بس حبيت أذكرها دامني كتبت موضوع .

ثاني شيء الله يوفق الجميع في إختبار التلاوة والتجويد . . ماده سهله إن شاء الله

ثالثاً واللي أهو صلب الموضوع . . سالفة النموذج المعلومات اللي نعبيه وقت الإختبار يآخذ منا وقت طويل وتكسرت إيدينا من تعبئته . . كل طالب عنده رقم جامعي ومبين عندهم معلوماتنا كلها حتى السجل المدني فليش الزحمه الاسم والسجل المدني ورقمين جوال واسم الماده ومدرسها واسم ومركز الاختبار . . أنا مايرفع ضغطي إلا التعهد ليه نكتبه وأهو مسجل خلاص يكفي توقيعي عليه .

المهم ما أطيل عليكم ياليت نحط مقترح بتغيير النموذج بحيث يحتوي على
- رقم الطالب
- crn حق الماده
- رقم مركز الإختبار
- توقيع
وخلاص . . جامعة ودكاتره المفروض فيه شوية تطور .

أنتظر آرائكم وإقتراحاتكم على الموضوع وشكراً .