حياك الله اخوي صقر .. عاش من شافك
تمنيت انها جات من غيرك .. كاني اشوفك ميلت على جهة الطلاب ..
عموما ..
انا اشوف ان بعض المحسوبين على الطلاب هم السبب الاول وراء تصعيب الاسئله
والمفترض ان الجامعه ما تلتفت لهم ، وانا اقصد اللي اشتكوا من تكرار الاسئله بحجة ان تعبهم ضاع !
والسبب الثاني ان بعض الدكاتره يبي يثبت ان مادته صعبه باي شكل ، وبدل ما يختبرنا في المنهج يعتمد الى اختبارنا في اللغه .. وانا اقصد السلوك التنظيمي ..
اخيرا الجامعه تتحمل المسؤليه كاملة في اللي صار ..
فارى ان الجامعه لابد لها من اعتماد منهج واضح مع الجميع :
اولا : يتم تغيير المنهج بالكامل كل مستوى بما يتوافق مع الواقع. طالما انهم راح يغيرون الاسئله كل ترم
ما يجي دكتور يشرح من كتاب انقرض من السوق .. والا دكتور يتكلم عن حدث صار قبل اكثر من سنه
والا دكتور غير متواجد اصلا في الجامعه ولا حتى يرد على الطلاب ولا يحضر المباشره.
ثانيا : يؤخذ براي الطلاب حول تمكن الطلاب من فهم المنهج واداء الدكتور .. وانتم عارفين ( الاقتصاد الجزئي والرياضيات 2 والتحليل الاحصائي )
ثالثا : يؤخذ براي الطلاب حول الاسئله ، حتى لو اضطروا لاعادة الاختبار مثل اللي حصل في التحليل
رابعا : يفتح خطوط اتصال مباشرة ورسمية مع العمادة ومع الدكتور عوضا عن الوسائل الغير ملزمه والضحك على الدقون من خلال تويتر وغيره .. ولزم الدكتور بالرد على تساؤلات الطلاب ..
لاحد يجي يقول من يقدر يغطي تساؤلات الطلاب كلهم .. فهذا عذر اقبح من ذنب .. من بغى الدح مايقول اح
طالما انهم انشأو نظام تعليم مطور لازم يواكبون التطور .. مو يشفطون دراهم ويصكون الابواب في وجيهنا.
خامسا : يعتمد وسائل احصائيه دقيقه للأخذ برأي الطلاب حول ما ذكرته والنظر فيها حسب الاغلبية.
واعتذر عن الاطاله .. وسلامتك