حروف المد ( ا _ و _ ي)
المد قسمين
اصلي :
ويسمى المد الطبيعي وهو الذي لا يقوم ذات الحرف الا به ولا تستقيم الكلمة الا بوجوده
يكفي فيه وجود احد احرف المد الثلاثة ولا يكون بعدها همزة ولا سكون
مقدار المد فيه حركتان فقط
سبب التسمية :
سمي اصلي لاصالته بالنسبة لغيره من المدود
سمي طبيعي لان صاحب الطبيعة السليمه لا يزيده ولا ينقصه
( معنى هذا الكلام ان المد الاصلي اي حرف مد مافيه بعده همزة ولا سكون ونمده مد طبيعي يعني بس حركتين - اي حرف مد يجيك مافيه بعده ولا قبلة همزه ولا فيه بعده سكون يصير مد طبيعي )
انواع المد الاصلي 3 انواع
1- ان يكون حرف المد ثابتا وصلا ووقفا سواء كان متوسطا او متطرفا سواء كان ثابتا في الرسم او محذوفا
( معنى هذا الكلام ان حرف المد يكون موجود في اصل الكلمة لو وصلناها باللي بعدها او وقفنا عندها مثل قوله تعالى "يوصيكم " و "بيمينه" هذي متوسطه و " قالوا" و " وأملي " هذي متطرفة و " مالك " في القران تنكتب "ملك " ويكون فيه الف صغيره بين الميم واللام و " ضحاها " في القران تكتب " وضحها " ويكون فيه الف صغيره بين الحاء والهاء هذي محذوفه في الرسم ) ومن حروف هذا النوع ايضا فواتح سور القران مجموعة في كلمة (حي طهر )
2 - ان يكون حرف المد ثابت في الوقف دون الوصل وذلك في الالفات المبدلة من تنوين والالفات التي عليها سكون مستطيل والمدود التي تحذف في حالة الوصل خشية التقاء الساكنين
(معنى هذا الكلام انه حرف مد لو وقفنا عليه صار حرف متحرك ولو وصلناه بما بعده صار حرف مد مثل اي تنوين فتح في اخر الكلمة لو وصلناها نقول التنوين ولو وقفنا عندها نقولها الف ممدوده مثل " عليماً حكيماً " والالف اللي يكون عليها سكون زي الصفر بالانقليزي 0 ويكون صغير فوق الالف مثل "انا نذير " و لكنا هو الله " و رسولا " و " الظنونا " هذي اذا وقفنا عندها نمدها حركتين واذا وصلناها نقراها الف واخر شي المد اللي يصير بعدها ساكن نحذف المد خشية التقاء ساكنين مثل " وقالا الحمد " لو وقفنا عند وقالا نمدها بس لو وصلناها بالحمد نقولها الف طبيعي و "وما في الارض " الياء في في لو وقفنا عندها نقولها مد و" قل ادعوا الله " الواو في ادعوا لو وقفنا عندها نمدها
3- ان يكون حرف المد ثابت في الوصل دون الوقف ويسمى (( مد الصله )) وهو خاص بهاء الضمير
( معنى هذا الكلام انه مد الصله يكون عكس النوع اللي قبل لانه احنا نمد لو وصلنا بالكلمه اللي بعده وما نمد لو وقفنا عنده وهذا النوع يجي في حالة وحده بس اللي هو بعد هاء الضمير مثل " انه هو " و " به بصيرا" وفي القران يكون له رسمه صغيره بعد الهاء لو كانت الهاء مضمومه تحي ضمه صغيره على السطر بعد الهاء ولو كانت الهاء مكسورة تجي كانها راس حرف الحاء مقلوبه اللي هي تعني حرف ياء )
خلاصة هذا الكلام انه المد الاصلي يجي لو كان حرف مد ثابت بعده حرف متحرك سواء كان في وسط الكلمة او اخرها ويكون المد اما لحرف المد الثابت في الوصل والوقف ( النوع الاول ) او الثابت في الوقف بس ( النوع الثاني ) او الثابت في الوصل بس ( النوع الثالث- مد الصلة) وهذا النوع يكون بس مع هاء الضمير
كيف افرق المد الاصلي الطبيعي عن النوع الثاني الفرعي ؟
اذا جا حرف مد مافيه بعده ولا قبلة همزة ولا فيه بعده سكون
يتبع