المشاركة الأصلية كتبت بواسطة إحساس سلطان

- تقييم أداء مستوى الطالب بعد تطبيق البرنامج الفردي يستهدف :
أ - تحديد مواطن التميز والضعف لدى الطالب
ب- وضع خطة مناسبة تناسب خصائصه الفردية
ج- تحديد مستوى خبراته السابقة
د- جميع ما ذكر غير صحيح

^- يستهدف تقييم مستوى أداء الطالب بعد تطبيق البرنامج الفردي:
أ - تحديد مستوى خبراته السابقة
ب- تحديد مواطن التميز والضعف لدى الطالب
ج- وضع خطة مناسبة تراعي خصائصه الفردية
د- أ+ب+ج


اخوي ابو وليد

اعتذر على التأخير

ولكن انت وضعت حل تحديد مستوى خبراته السابقه ( على اي اساس اخترت هالحل؟ )

شوووف

من المعروف ان التقويم بعد تطبيق البرنامج يكون بهدف ( معرفة مدى تحقق الأهداف ) صح؟ هذا ماعليه اختلاف


طيب ياخوي

الحين لما تجي تبي تسوي التقييم وشلون تسويه؟ وشلون اتحقق من تحقق الاهداف؟

أكيد بتطبق اختبارات ومعايير على الطالب صح؟

بعد ماتطبق الاختبارات والمعاير على الطالب وش الناتج؟

اكيد بيكون الناتج اما ان الطالب ناجح او راسب

اذا كان ناجح معناته خطتي ناجحه وتحققت الاهداف

لكن اذا كان راسب معناته فيه خلل بالخطه او بطرق التدريس او بأي مرحله من مراحله الخطه معناته لازم اني اطور الخطه واصلح الخلل الموجود فيها واللي بسببه ماتطور الطالب

يعني لما اعرف نقاط التميز معناته خطتي نجحت وتحققت الاهداف لكن لما اكتشف الضعف اللي بالطالب معناته فيه خلل بمراحل الخطه واساليبها

بعطيك مثال

لنفرض ان الخطه فيها هدف تربوي عام وهو ( أن يميز الطالب بين الفعل والفاعل والمفعول به )

وبعد ماطبقت الخطه وجيت لمرحلة التقويم النهائي عشان اشوف هل تحقق الهدف من الخطه يعني هل الطالب صار يميز بين الفعل والفاعل والمفعول به والا لا

طبقت عليه اختبارات عن الفعل والطالب ماشاءالله عرف يجاوب واموره تمام
معناته الطرق والاساليب اللي استخدمها المعلم كانت ناجحه وطورت من قدرات الطالب

ولما طبقت اختبار عليه عن الفاعل وبرضوا طلع الطالب استفاد من الخطه وعرف يحدد الفاعل

لكن لما طبقت عليه اختبار عن المفعول به ماعرف الطالب يميز المفعول به
معناته عندي خلل بالطريقة والاسلوب اللي اتبعتها في تعليم الطالب المفعول به

بكذا

اروح للخطه واعدل بس الجزئيه الخاصه بدرس المفعول به واحط اسلوب آخر
اما الفعل والفاعل مايحتاج اغير الطريقة لان الطالب استفاد ونجح

يعني الجواب تحديد نقاط التميز وتركها كما هي
وتحديد نقاط الضعف واصلاحها بالبرنامج


يعني بختصار

قبل مااطبق البرنامج اسوي تقييم للطالب عشان اعرف مواطن القوة والضعف ( يعني المستوى القاعدي )

واحط برنامج يطور الطالب

وبعد التطبيق برضوا اسوي تقويم عشان اشوف تطور والا لا تحسن ادائه والا لا
احدد جوانب القوة والضعف بعد البرنامج واقارنها مع الاولى واشوف وش فيه تغير وتطور ووش فيه ماتطور ولا استفاد

وبكذا اعرف وشو اللي تحقق من الاهداف ووشو اللي ماتحقق