ملتقى طلاب وطالبات جامعة الملك فيصل,جامعة الدمام - عرض مشاركة واحدة

كائن غير طبيعي · 2013- 12- 28

اقتباس:

المشاركة الأصلية كتبت بواسطة how are you

بنات يسعدني صباحكم

اذا ممكن ابي شرح مسائل الاختبارات الفصلية من س 14 الي س20

اختي تبي شرح حقهأ بتفصيل اذا ممكن ...

السؤال 14 :
هنا الشركة أجرت مخزن يعني دخلت مدخول بالتأكيد من الأجار والمدخول هذا هو بالتالي يعتبر إيراد مو مصروف هذا أولا
ثانياً : هي أجرت بداية شهر 2 بمبلغ 450000 حق عام ونصف نهاية السنة يسجل التالي : دامها اجرها في بداية 2 فنحسب عدد الأشهر حق السنة من بداية 2 واخر الفترة معروف انها نهاية 12 فيصير من شهر 2 إلى شهر 12 المجموع 11 شهر في السنة .... هنا ناخذ المبلغ اللي استلموه ونقسمه على مدة الأجار المذكورة بالسؤال وهي سنة ونصف يعني السنه فيها 12 شهر + النصف سنه فيها 6 شهور يعني الإجمالي 18 شهر ونقسم المبلغ
450000 على 18 شهر = يطلع الشهر بـ 25000 نضرب الناتج في عدد الأشهر الأولى اللي طلعنها حق الفتره اللي استافدت منها في الأجار وهي 11 شهر فيصير 25000 × 11 شهر = 275000 ريال وبما أنها مثل ما قلنا بالأول أيراد فالجواب الصحيح هو :
زيادة في الأيرادات قدرها 275000 ريال ونقص بالخصوم بقيمة 275000 ريال وليه نقص بالخصوم لاننا استلمنا المبلغ 450000 كامل يعني حنا كشركه مؤجرة للمستودع استلمنا مبلغ لكن ما قدمنا الخدمة بالكامل اللي هي سنة ونصف يعني استلمناها مقدم فاللي استأجرت منا تطالبنا بالمبلغ فنعتبر مطلوبين وبعد ما استفادة الشركة اللي استأجرت مدة 11 شهر نقص من المبلغ المطلوب منا .

السؤال 15
هو يقولك ظهر في ميزان المراجعة 80 ألف مصروف أجار هذا قبل التسويات فلو علمت أن الأجار الشهري هو 10 الآف ريال فقيد التسوية يكون .؟
طيب الأجار الشهري 10 الآف ريال يعني في السنه يساوي 10000 × 12 شهر = 120000 ريال هذا المفروض يكون مسجل لكن اللي مسجل 80 ألف يعني نطرح 120000 ريال الأجار بالكامل - 80000 ريال المسجل يبقى = 40 ألف ريال فيصير القيد

40000 من حـ/ مصروف أجار ولأنه مو مسجل من قبل القيد الثاني يكون 40000 ريال إلى حـ/ مصروف أجار مستحق ليه مستحق لأنه المقيد مو كامل المبلغ المطلوب فالشركة مطالبة بالمبلغ المتبقي وهو 40 ألف .

السؤال 16 :
هنا كان رصيد المواد والمهمات 50000 بداية السنه وزادت المنشأة وشرت أغراض بـ 10000 زيادة فصار مجموع المهمات والمواد 60000 .... طيب في نهاية الفترة المتبقي هو 5000 ريال معناته اللي أنصرف من المواد هذي هو
60000 - 5000 = 55 ألف ريال .... وفي الأجوبة مافيه هذا المبلغ فالجواب الصحيح لا شيء مما سبق .

السؤال 17 :
هنا السلفة كانت 15000 ريال وبقى بالصندوق 8000 ريال يعني المستخدم كان 7000 ريال .... طيب لكن الفواتير الموجودة بقيمة 6700 ريال يعني 7000-6700 = 300 ريال هذا عجز مبلغ غير موجود وماله فاتورة فيقال عنه عجز طيب لأثبات العجز حسب الشرح الموجود بالسلايت ان قيد العجز هو ....

من حـ/ عجز أو يادة صندوق المصروفات النثرية إلى حـ/ صندوق المصروفات النثرية هذا قيد خاص بأثبات العجر إذا كان المبلغ المتبقي أقل من الرصيد الدفتري لان الرصيد المتبقي المفروض زي ما قلنا 7000 ريال حسب المسجل بالدفتر لكن بالصندوق أقل من الدفتر ...

وكذا يكون القيد
300 من حـ/ عجز أو يادة صندوق المصروفات النثرية 300 إلى حـ/ صندوق المصروفات النثرية هذا قيد خاص بأثبات العجر

وهذا الخيار مو موجود بالفقرات لذالك الجواب لا شيء مما سبق .

السؤال 18 :
الصندوق قيمة 30 ألف ريال ويبون ينقصونه إلى 18000 ريال معناته المبلغ اللي راح نشيله من الصندوق هو
30000 - 18000 = 12000 ريال

وبالنسبة للقيد معروف من السلايتات أن القيد حق تخفيض السلفه دائما يكون ..

ح/ النقدية ( بالبنك أو الصندوق )

إلى ح/ صندوق المصروفات النثرية

هذا قيد تخفيض السلفة ثابت ما يتغير ... لأن اللي بيعطي المبلغ هنا هو الدائن وهنا المبلغ بناخذه من النثرية اما اللي بياخذ هو المدين وهنا حنا بنرجع المبلغ للصندوق فهو المدين فيصير القيد
12000 من ح/ النقدية ( بالبنك أو الصندوق )

12000 إلى ح/ صندوق المصروفات النثرية

وهذا الجواب مذكور بالخيارات .

السؤال 19 :
هنا نحسب قيمة المصروفات إجماليها كم وهي حسب ما ورد بالسؤال :
1500 + 1000 + 2000 + 1200 = 5700 ريال هذا المبلغ اللي صرف الأن مبلغ صندوق المصروفات هو 18 ألف لكننا استخدمنا 5700 ريال منها عشان نرجع المبلغ إلى 18 ألف لازم نسوي قيد استعاضة وقيد الأستعاضة ثابت حسب السلايتات بالشرح
من ح / مذكورين إلى ح / النقدية ( بالنبك أو بالصندوق ) طبعا اللي بيعوضنا بالمبلغ هو الصندوق فأكيد هو اللي بيعطي لذلك هو المدين ... واللي بياخذ التعويض مين المصروفات لكن هنا راح نعوض كل مصروف لحالة عشان كذا قلنا من مذكورين ليه ... عشان هو تعويض وأثبات في نقس الوقت انه حنا سددنا المصورفات هذي فنكتب

57000 من ح/ مذكورين ( ونذكرها بالتفصيل كما ورد بالسؤال ) إلى ح / 5700 نقدية بالبنك ...

طيب فيه ملاحظه هنا ليه قلنا بنك ما قلنا صندوق لأنه في السؤال قالك فأن قيد أستعاضة السلفة بشيك في نهاية الفترة معناته بنك لانه هو اللي راح يصرف الشيد لو قالك بالسوال نقدا يعني الصندوق ولو ما ذكر شي يعني تكتبين الصندوق أو البنك .

السؤال 20 :
هنا الحل بسيط جدا وهو انا اخذت كشف الحساب حق الشركة حقي من البنك وتبين الرصيد انه 120 الف ريال .. لكن بعد ما اخذت الكشف وطابقته بالدفتر عندي لقيت اني انا في خلال السنه دفعت شيكات لكن أصحابها ما راحوا وصرفوها من البنك قيمة هذي الشيكات 10 الاف ريال يعني من الرصيد اللي بحساب شركتي مبلغ 10 الاف ريال ماهي لي ... وبعد فيه أشياء بعتها وناس ما سددت المبلغ فاتضح من مراجعتي للدفتر انه فيه مبلغ 30 الف ريال مبيعات لي أودعت من قبل الشراه بعد ما استلمت الكشف من البنك لذالك عشان اطلع النتيجه احسب كالتالي
120000 - 10000 ( اللي هي قيمة الشيكات ) = 110000 ريال هذا المتبقي بعد صرف الشيكات .
بعدين ناخذ المتبقي ونجمعه مع اللي أنودع بعد الكشف وهو
110000 + 30000 ( قيمة الودائع ) = 140000 ريال

أجل رصيدي السنوي حيكون 140 ألف ريال وهذا الجواب مذكرو ضمن الخيارات

يارب أكون وصلت الفكرة والشرح بالصورة الصحيحة

موفقين جميعا