تسلم يالوايلي.
وصدقت؛ أهم شي "الرويَّة" وعدم العجلة، السؤال اللي ما تعرف إجابته أول مرة، أجل حله للأخير؛ وفكر به على راحتك؛ حتى لو ما تعرف الإجابة الصحيحة حاول ترجّح بين الإجابات، الإجابة اللي متأكد إنه خطأ اشطب عليها؛ وقت الاختبار بحمد الله طويل والواحد ياخذ راحته به.
ضيعت بعض الأسئلة السهلة بسبة العجلة.
الإدارة إن شاء الله إنها مادة هينة، لكن الواحد يراجع بتركيز على النقاط المهمة؛ بعض الأسئلة اللي تتضمن التفصيلات هذي اللي لازم التركيز عليها.
بالملخص اللي عملته حطيت خط تحت كل سؤال جا باختبار قديم؛ والغالب أن الأسئلة (وأنت تتابع الملخص) تجي من نقاط قريبة من اللي جا باختبار قديم. مثلاً سؤال يتضمن 6 نقاط؛ باختبار قديم جاب سؤال على أحد هذي النقاط، التوقع أنه بهالاختبار بيجيب سؤال عن وحدة من النقاط الـ6 الباقية.
من الترم الأول تعلمنا أشياء كثيرة بأسلوب الدراسة الصحيحة، ولابد الطالب يتقن "الدراسة الذكية"، والدراسة الذكية هي أنك تدرس "بعقلية" أنك أنت اللي يحط الاختبار؛ ودايماً تسأل نفسك هالسؤال: لو كنت أنا الدكتور، إيش ممكن أحط للطلبة من أسئلة؟
الله يوفقنا للدراسة الصحيحة، والله يبارك لنا بأفهامنا، ويوفقنا لحُسن التوكل عليه؛ ويختم لنا بخير.