أهواك احبك اعشقك
أهواك احبك اعشقك
يفداك قلبي و التعب والمسافه
دام آخر المشوار شوفة عيونك
و يفداك عمر ضاع كله حسافه
على الزمان اللي قضيته بدونك
جيتك بقايا حب هذا إعترافه
أهواك احبك اعشقك ما أخونك
يعني أحبك حب أسمه خرافه
لطروا أساطير الهوى يذكرونك
و لو خفوقي كتاب تقرا غلافه
قسم قسم بالله أعشق جنونك
جيتك على رغم الزمن و اختلافه
كل الطرق عندي توصل جفونك
مليت من شح الغرام و جفافه
ضميان حب و بارتوي من مزونك
قليِّ أحبك خل عنك الكلافه
ريح ظنوني ريَّح الله ظنونك
يا منى قلبي و الحلا و اللطافه
كل المشاعر في خفوقي يبونك
خلص كلامي بس عندي إضافه
أهواك أحبك أعشقك ما أخونك
راق لي 
التعديل الأخير تم بواسطة شوك الورد ; 2013- 12- 29 الساعة 10:14 AM
|