حبيباتي خواتي
تبون الصراحة كل شي معقد ومعكر معانا
يوم البلاك مايفتح
يوم المحاضرات ماتشتغل
ساعة مغيرين نظام
ساعة حاطين جدول مادري كيف
يعني من كل الجهة والأمرجلوس بالبيت
لكن الله يعيطهم العافية ويفرج همهم واللهم اغفر لي ولهم
وحنا بعد ماندري كيف ظروفهم مايصير نظن فيهم ظن السوء
يعني لأنهم توهم في البداية وتحصل بعض الأخطاء والارتباكات شوي
لكن ماقصروا معانا الله يعافيهم
حنا بعد مستعجلين شوي وخصوصا الي في ظروف قاسية وو يعني مو على كيفه بعض الأشياء
فالواحد ينزعج شوي لكن الحمد لله رب العالمين
طيب وش الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحل ياخواتي
تحسمون الأمر
كل له ظروفه الي منشغل بالبيت والأسرة والعمل والي مدخل هالمجال من غير حب
والي مسكين ماله الا هذا والي ماله رغبة والي يطلب الرحمة ويستغيث انه داخل وذل واهانة وندم انه دخل
لعدم تلبية حاجاته يعني مافي حد مرتاح
الخلاصة:
سموا باسم الرحمن
بسم الله الرحمن الرحيم
اتوكلوا على العزيز الجبار
توكلنا على الحي القيوم الذي لايموت
استهدوا بالله
صلوا على النبي محمد صلى الله عليه وآله وسلم
اللهم صل وسلم وزد وبارك على محمد وعلى آل محمد
ماشاء الله لاقوة الابالله العلي العظيم
نبدأ
1- مافي شي صعب
2- الصعب والمستحيل والفشل انك تتهاونين وتتكيسلين
3- ابدأي بثقة وايمان وأمل وعزيمة وارادة
4- حببي المادة لك افهميها واحفظيها واشرحيها لنفسك بعدة طرق وخاصة الطرق المحببة لك والي بمعناه تدخل وتركز بسرعة بالمخ
5-ابعدي كل شي يشغلك وخاصة التفكير والسرحان بما لايفيد - الموبايل
6- اجلسي في مكان مرتب وهادئ ومنظم
7- هيأي نفسك لذلك
8-نامي بهدوء
9 - اصحي بتفاؤل وأول ماتصحون شغلوا شريط أو مسجل والأفضل انكم تقرأون القرآن الكريم
أخيرا وليس آخرا تفاءلوا بالخير واجتهدوا لأنكم ان اجتهدتوا وحاولتوا الله بنفسه بيساعدكم
وييسر عليكم كل عسير باذن الله
أسأل الله أن يوفقني لكل خير
وأن يوفقكم لما يحبه ويرضاه ويوفقني
لا تنسوني من دعائكم فانني محتاجة لدعاء أخواتي لي
ماشاء الله لاقوة الابالله العلي العظيم
وصلى الله على رسوله محمد وعلى آله الطيبين الطاهرين
أتمنى أنني أفدتكم ولو بالقليل وأفدت نفسي لعلها تنفذ
دمتم بحفظ الله ورعايته وعنايته