اتبع هذا السيناريو مثلاً مع عملية "صنع واختيار القرار":
اخترع قصة مثلاً تبي تطلع من الكويت لمكة؛ ممتاز، هني حددنا "الهدف"، وبنفس الوقت حددنا "الموقف" أننا الآن موجودين بالكويت؛ بعدين نبدأ بـ"التحليل" نشتري خريطة ونشوف الطرق المؤدية إلى مكة، أي واحد طويل وأي واحد قصير، ونسأل أي طريق سهل، وأي طريق به حفريات؛ بهالطريقة نكون حددنا ما يُسمى "البدائل".
بهالشكل نكون عرفنا مراحل صنع القرار:
تحديد الموقف.
التحليل.
تطوير البدائل.
#####
النقطة اللي بعده "اختيار القرار":
حنا افترضنا أكثر من سيناريو وأكثر من طريق "بدائل" لنوصل لهدفنا (مكة)؛ أول أمر نختار "بديل" واحد من البدائل اللي افترضناها؛ بعدها "ننفذ" هذا البديل، نشغل السيارة ونسلك الطريق اللي اخترناه "البديل"؛ بعدها "نقيِّم" عملية التنفيذ، السيارة تمام، الكفرات كويسة، البانزين فل، الاحتياطات للطوارئ موجودة؛ وأخيراً إن وصلنا لـ(مكة) بالسلامة "نقيم القرار" ككل هل الخيار (البديل) اللي اخترناه كان كويس ولا سيء.
بهالطريقة نكون استنبطنا مراحل اختيار القرار:
اختيار البديل الأفضل.
تنفيذ البديل (الخيار).
تقييم عملية التنفيذ.
تقييم القرار.
#####
خلك عنيد مع الأسئلة، وشغل خيالك...