الجـادل اللـي غلاهـا بيـن حـدب الضلـوع
ابطـيـت ماجاتـنـي منـهـا مراسيـلـهـا
شهريـنّ.. لا والله الا اليـوم عاشـر ربـوع
سبعيـن ليـلـه وهــذا اللـيـل تكميلـهـا
اقفت وقلبـي علـى طـول المفـارق جـزوع
وشلـون تقفـي وانـا قلبـي ينـادي لـهـا
غابـت وشمـس التلاقـي مانـوت بالطلـوع
واجتاحـت القلـب غربـه موحـشٍ ليلـهـا
مـن بعدهـا فـي عيونـي تستكـن الدمـوع
ولـولا غــلا دمعـهـا بـلـت مناديلـهـا
صحيح جوع المشاعـر ماهـو ايـات جـوع
تضيـق منـه النفـوس وينتـهـي حيلـهـا
فقـدت مـن فقدهـا والبعـد عنهـا يــروع
ومـن بعدهـا شـبـت الفـرقـا قناديلـهـا
الترفه اللـي لهـا فـي وسـط قلبـي فـزوع
دلـة غـلا يـشـرب العـاشـق فناجيلـهـا
ان كان ترضى جموع ..ان كان تزعل جمـوع
مزيونـةٍ بالـحـلا تـامـر عـلـى جيلـهـا
فيهـا الحـلا بالوصايـف والحـلا بالطبـوع
تحتـار فيهـا العـقـول وفــي تفاصيـهـا
في الشعر معنى الدجى.. في الخد معنى السطوع
وفي العين معنى الهـلاك اللـي جذبنـي لهـا
وفي الطول معنى شموخٍ مايعـرف الخضـوع
وفـي البسمـه التـوت واللؤلـؤ يغنـي لهـا
وانا اعتـرف بالقناعـه بـس مانـي قنـوع
احـزن علـى فراقهـا وارجـي مواصيلـهـا
مدري نـوت بالرجـوع او مانـوت بالرجـوع
ولا زلـت اشيـك علـى الجـوال وايميلـهـا
منـــــــــــــــــــــــــقــــــــــــــــــــــ ـــــو ل