تصدق كنت افكر اسوي نفس حركتك .. بس بعد موقف اليوم هونت صراحه
وانا داخل لمقر الاختبار شاهدت جمع غفير يلتف حول شخص .. لا ترى الا رأسه ينزل ويرتفع .. ويناولهم مابيده
توقعت بانها منشورات تحريضيه على الجامعه .. وتفائلت اكثر ودار بخلدي بانه يوزع اسئلة الاختبار من تجمع الناس حوله
بصراحه كان منظر مهيب .. فقررت ان أُخرج السعودي الذي بداخلي .. واتلقف اشوف وش قاعد يوزع المأخوذ هذا ..
وكلما اقتربت منه ازداد اصتكاك الناس وكأنك في الطواف ليلة 27 من رمضان ..
فقررت ان استجمع قواي وادخل ولا ابالي لانظر لما يفعله هذا الشخص .. وعندما وصلت سمعته يقول .. بريال بريال .
رفعت رأسي واذا به عامل البوفيه يبيع الماء والحليب بالشاي ..
غادرت مطرقا رأسي واحادث نفسي .. لو كان هذا متطلع وهؤلاء ملتمين حوله .. هل سيكون مفوها مثلما هو هنا :d
والله العافيه حلوه .. والنحشه خشمن طيب .. والستر زين وانا اخوك ..
دحرجها لين الله يفرجها وصدقني بنشوفك السمستر الجاي وانت متفائل اكثر واكثر
دمت بود وادخل الله السرور والسعاده على قلبك والضحكه على محياك