والله انا هالمادة قرأتها قبل اسبوع ( 5 محاضرات) وبعد بشكل سريع وما عاد ذاكرتها الا ليلة امس ليلة الاختبار لكن ذاكرتها بتركيز وما انتهيت منها الا الساعة - 12:30 الظهر - يعني قبل الاختبار بكم ساعة وراجعتها بساعه ونص ثم دخلت الاختبار وكنت خايف منها جدا كانت جامدة ولكن الحمد لله ان شاء الله اني حليت..
الي ما ذاكر عاد شي طبيعي مايحل لأن الدكتور جاب اسئله قليلة جدا على ( المواضيع الرئيسية ومايندرج تحتها من مواضيع فرعيه ) وكنا نتوقع ان اغلب الاسئلة بتكون منها..
لكن اغلب الاسئله كانت من الشرح الموجود في نقاطها ..
لذلك الي ماركز وقرأ بتركيز في الشرح بالمحتوى ما اتوقع يحل زين..وهذا الي اتوقع سبب عدم حل كثير من الزملاء وزعلهم وضيقتهم هو من هالشي..
اخواني صدقوني لا يحتاج لاسب ولا شتم ولا غيبه ولا غيره
أتمنى ان نتحلى بأخلاقنا الاسلاميه والا نسب ونغتاب وندعي على مسلم بسبب امور دنيوية.. قيمنا الاسلاميه وحضارة ديننا الاسلامي الانساني تملي علينا انا نرتقي بأنفسنا وبارك الله فيكم..
السب والشتم هي ذنوب علينا وبنفس الوقت اجر نتبرع به من اعمالنا ونهبه لغيرنا ونحن به احوج..
حسبنا الله ونعم الوكيل ...تكفي
فان كانت فيه حق فالله هو حسيبنا او لايكفي..
أسأل الله يعوض علينا جميعا عنها بدرجات في الجنة وان يغفر لنا ذنوبنا وماتقترفه السنتنا وجوارحنا من سب وشتم واعذر يالله حالنا واعفو عنا ..