لا محشومه والله اختي الفاضله
تبغين اعطيك نصيحه لوجه الله واتبعيها وابعدي الشيطان عنك
استغفري الله باليوم على قد ما تقدرين
كان عندي ماده بالتخصص هي ماده عامه اسمها كالكولس(تفاضل وتكامل) وعشاني ما أسست بالشكل الصحيح في السنه التحضيريه وخصوصآ بالجبره
ما قدرت اني افهم معظم الكتاب كنت احاول ادرس يمين يسار برضوه يظل فيه مشكله ما ادري وشهي صارت عندي عقده نفسيه تتخيلي شغله معي انا داخل اختبار الفاينل وباقي لي 48 درجه عشان انجح وطبعآ الفاينل من خمسين
ما كنت اردد على لساني الا استغفر الله وانا من الناس اللي مداومين عليها المهم دخلت الاختبار وحطيت اللي براسي ما ادري صح غلط المهم بعدها طلعت يوم جيت للفصل الصيفي حصلت نفسي ناجح وبعلامة سي تصدقين الشيء هذا ما قدرت اتخيل رحت للدكتور اللي يعطيني الماده قلتله انا كيف نجحت قلي والله يا حبيبي انا كنت ماخذ وعد على نفسي اللي يجيب فوق الخمسه وعشرين بنجحه انا جلست اضحك وطبعآ ضحكة غرابه المهم طلعت من عنده وعرفت شيء واحد الواحد اللي ثقته بالله كبيره اقسم بالله يجيه رزقه الى عنده عرفتي فضل الاستغفار اقسملك بالله انك ما راح تحاولين وتفشلين وركزي معي خليها على لسانك من اليوم كرري الاستغفار على لسانك ولا تطفشين سته شهور سنه ممكن الحين تقولين اوه صعبه ما ادري كيف بس هذا مو انتي هذا الشيطان يوزك بالشيء هذا ووالله ان تجين للمنتدى هنا وتشكريني واتمنى دعواتك بس ولا تنسين (استغفر الله) خلينا على الوعد وتشوفين كيف يتغيرون اللي يعاملونك بالمعامله السابقه والزمن حاكم