الحمد لله حمدا كثيرا طيبا مباركا فيه كما يليق بوجهه وعظيم سلطانه . اولا
والشكر للدكتور مصلح بارك الله فيه , في الحقيقة انا مختبر بنفس اليوم مادة الانترنت والاتصالات من 3 ونص وطلعت من الاختبار وباقي ساعه ونصف والمادة اللي اختبرتها من مستوى ثالث وكنت مرهق ومافيه تجميع كبير لانه المادة دسمة وتتعلق ببرامج وايقونات وحوسة وسبق راجعتها قبل الاختبارات باسبوع وماكملت المراجعه ولا عارف من وين ابدأ , واقولكم هذا الكلام يا اخواني واخواتي وثقوا فيه 100% ان اللي يوفقك هو الله سبحانه اذا دعيته بسجودك . وهذا اللي حصل لي.وسويته بصلاه المغرب
والله ذاكرت قبل صلاه العشاء فترة مذاكرتي ماتجي نصف ساعه قريت فيها شرح الاخت تغريد الله يجزاها خير عن مسألة الجداول وحساب المعدل وداله الجمع وغيرها وراجعت شويه اختصارات وتعمدت اتأخر عن الاختبار 10 دقايق ونزلت وانا ماني متأكد من حفظي او مراجعتي . وانا اقول عسى اعدي المادة مو لانها صعبه علي لا لان المخ ماعاد يجمع ..
ولما جيت ادخل للفصل كنت ناوي اجلس بمكان معين لكن المراقب اصر اني اجلس بمكان آخر . واعطاني نموذج e اول اربعه اسئلة قلت ياساتر عز الله ماعدينا . وبعدها سبحان الله كل اللي راجعته بالسياره جاني بالضبط . :)
وطلعت من الاختبار وانا احمد الله واشكره على فضله . وتأكدت من حل 40 سؤال والباقي مو اكيد .