المشاركة الأصلية كتبت بواسطة Ahmad240

انا عندي مادة اللغويات. وبصراحة كلها قراءة وكلها تعاريف ومسميات جديدة. ومن الان بدي ذاكري فيها وعندي شرح لهذه المادة شوفي بالقسم.

ملاحظة: يا مرة. المرة الجاية لا تطلعين من قسمك الا بالمحرم ترا، انخاف على مستوى ثالث يضيعون هههههههههه

المشاركة الأصلية كتبت بواسطة علي الضباطي

اصعب مادتين الانشاء والتعبير ... والأدب الأنجليزي ....

المشاركة الأصلية كتبت بواسطة صبا الشرقية

المواد تقريبا سهولتها وصعوبتها قريبه من بعض يعني بدينا بالجد وتعمقنا باللغه اكثر

بس انتي حاولي توازنين بين المواد التخصص والمواد المساعده

يعني خذي 3 مواد تخصص و3 مواد مساعده لا تكثرين على نفسك بحيث تقدرين تجيبين معدل حلو وتحافظين على معدلك لا ينقص بس هذي نصيحتي لك

المشاركة الأصلية كتبت بواسطة أبو جَنىَ

,


بإختصار :

كل مادة إذا ما ذاكرتيها وأستعديتي لها صعبة , وكل مادة تستعدين لها وتذاكرينها سهلة ..

والدليل :

الأخ الضابطي فوق يقول الإنشاء والتعبير صعبة , وأنا مذاكرها وشايف محاضراتها فيديو
والحمدلله ضامن الـ a+ بحول الله وبمشيئته أولاً وأخيراً والأدب الانجليزي أخذته الترم اللي فات وأخذت فيه A
الإعداد الممتاز هو اللي يفرق معك , والله يوفقك إن شاء الله ..

المشاركة الأصلية كتبت بواسطة احمد الدمام

امشي حسب الخطة وخليها على الله

هذي افضل طريقة

المشاركة الأصلية كتبت بواسطة 1.2.3.burn

ما اتوقع فيه مادة صعبه اذا ذاكرتي زين وربي كل شي سهل بس احنا اللي مستهينيين فيه

والله يكتبلنا التوفيق

المشاركة الأصلية كتبت بواسطة purity-

الانشاء والتعبير سههههل بس الدكتور يلف ويدور بالاسئلة
ونفس الشيء قواعد البيانات صعبه والدكتور يجيب اتفه شيء اللي مو متوقع احد يذاكرها يجيبه
المنظومة النحوية صعععععبه كلها قرمر وتعاريف
الادب الانقليزي الاغلبية قالو سهل للي تابع مع ملخص تروك بس انا انقطع علي النت وذاكرت بس حسيته جا صعب لان ماعرفت وش المهم وش اللي مو مهم
حاضرر العالم ذي سهل والدكتور يكرر الاسئلة ذي اذا تبغي ترفعي شوي بالمعدل
استماع وتحدث جدا سهله والدكتور مايصعب شيء بس القطع ممكن تجي بالمحتوى ست او سبع قطع مو محذوف منها شيء

ذي المواد اللي نزلتها الترم ذا

المشاركة الأصلية كتبت بواسطة shery

دايم احنا نقول صعب لاننا مو مستعدين للأسف
وكأن الاختبارات تجي فجأه :(

للأسف الانشاء كان سههههههل بشكل كبير ونبه الدكتور انه بيجيب أكثر شي حروف جر في القطعه
وللأسف هي اللي اخفقت فيها ولا جبتها لأني اهملتها ما ادري ليه

...

الادب كان ممتع خصوصا ان الدكتور قال ماراح يتعمق بالتفاصيل يعني اشياء واضحه
..

قواعد البيانات واتوقع هنا فهمتي خطأ
في الخطه كاتبين عنوانين لهذي الماده مو مادتين
يعني هي قواعد بيانات او اسمها شبكات
المهم هالماده دسسسسسمه وتمرض بس الاختبار كان في اشياء تافهه

...

استماع وتحدث من اسسسسسهل المواد في هالسمستر
واختبارها كان افضل واحسن من استماع واستيعاب
كلها كلمات وست قطع تحتاج فهم فقط

..
حاضر العالم
مايحتاج اتكلم فيه لانه سهل
..

القواعد والمنظومه النحويه
هذا لااااازم يتذاكر من بدددددري لانه دسم

..

مدخل إلى اللغويات
يحتاج مذاااكره وفهم من بدري مرررره

..

وآخر شيء
الصعوبه فينا إحنا لأنه ينقصنا العزيمه والإصرار
مافيه شيء صعب ابداً لو انعاد مره ومرتين وثلاثه واربع وعشر ..

ولو تبغين النصيحه
امشي ع الخطه ولا تتخلفين عنها
واجتهدي من البدايه وبكذا لا تعب ولاهم

..
فيه من الطلاب قال خذي تخصص وخذي مواد عامه " قصده نزليها من المستويات اللي بعد ماجيتيها "
احترم وجهة رأيه لكن لا تسوين هالحركه ابداً

اتركي كل مواد عامه في مستواها لأنه هي اللي بترفع المعدل
فيه كثير سووا هالحركه اللي هي ينزلون مواد العربي كلها وياخذونها
وفي الاخير يبقى عليهم مواد التخصص ويضيعون في خرايطها

..

في الاخير كل شخص اعرف بنفسه من ناحية القدرات
لكن مو نتحجج بها
مع الاصرار مافيه شيء صعب ومستحيل

..
وبالتوفيق يارب <3