الاجابة الصح هي الاولى
الحين لما تكون عندنا سلعة لها تكاليف .. ولها سعر بيع
التكاليف تنقسم الى ثابتة ومتغيرة ومجموعهم هو التكاليف الكلية
راح اجيب لكم مثال للتبسيط ..
عندنا محل يبيع حلويات << جوعااانة ^_^
التكاليف الثابته هي اجار المحل
التكاليف المتغيرة سعر الشراء
لما نشتري كمية من البضاعة مثلا ب 500 ونبيعها ب700
وعندنا أجار المحل = 1000
الربح = الايراد (سعر البيع) - التكاليف الكلية ( ثابتة + متغيرة )
700 - 1500 = -800 <<< خسارة
في هالحالة ننصح المنشأة بالاستمرار
كيف وهي خسرانة ؟ ... هنا نقول ﻷن التكاليف الثابته هي السبب في الخسارة ولو استمرت المنشأة في التجارة ما راح تزيد
شوي شوي مع الوقت .. راح تقل الخسارة لحد ما تنقلب الى ربح بعدين لان في كل عملية عندنا ربح 200 يغطي الخسارة بالتدريج
أما لو كانت التكاليف المتغيرة هي اللي أقل من الايراد يعني شرينا البضاعة ب 500 وبعناها ب 400 مثلا
هنا راح تصير المعادلة 400 - 1500 = 1100 <<< خسارة مرة ثانية
بس الفرق هنا ان كل مرة بنشتري ونبيع راح نخسر من التكاليف المتغيرة
وفي هالحالة ننصح بالاغلاق لان قاعدين ندفع الفرق من جيبنا نشتري غالي ونبيع رخيص