[align=center]
بسم الله الرحمن الرحيم
السلام عليكم ورحمة الله وبركاته
أنا عندي احتجاج ..
لازم ينقسون الطلاب والطالبات قسمين ..
قسم للطلاب والطالبات الي بس يعترضون ويحتجون..
وقسم للطلاب والطالبات الي مثلي راضين وش حليلنا :222g: امزح طبعا ياجامعتي الحبيبة :m07:
انا اليوم عندي هرجه تقرقع بقلبي لحبايبي الطلاب والطالبات
انا معكم حلو الواحد يقدم اقتراح يحسن الوضع العام للجامعة ويحسن طريقة الدراسة المستقبلية ..
بس مو نجي نعترض على جدول ولا علي 100 او 50 سوال ...
ومساكين الجامعة لين الحين عندهم اخطاء بالنظام ومشاكل ومعوقات يالله يلحقون عليها ..
حنا بنعمة عظيمة اللهم لك الحمد والشكر :praying:
من كان يتخيل يدرس وهو جالس متكي في البيت مع اهله؟!
وينظم جدول دراستة علي كيفه ..
ولا في حضور وغياب يسلام سلم ..
والدكاتره الله يعطيهم العافية منزلين ملازم ..
وحتى الدكاتره الي طالبين كتب حاذفين نص الكتاب ..
وغير كذا الاختبارت موضوعية ..
مجرد بس نقرا ونفهم ونركز شوي ..
واهم شي نرتب أوقاتنا عندنا وقت يمدينا نختم المادة قبل الاختبارات بمدة..
والمحاضره نشغلها ونعيدها متى مابغينا ..
بالله في أسهل من كذا دراسة !!
وين دراسة اول ودراسة الحين .!.
اول الواحد بالاختبار يخلص حبر القلم وهو ماخلص كتابة الحل ...
ويدرسون مجلدااااات ..
الصراحة احنا مدلعين اخر دلع ..
وبعدين الي يبي يوصل القمه وينجح
لازم يتعب ويجد ويجتهد مافي شي يجي بسهولة..
ولا احد يقول احنا دافعين فلوس قاضين من ذا الهرج..
الرسوم الي دافعينها للجامعه مو ماخذينها عشان يتبطرون فيها..
دراستنا تحتاج الي دعم مادي لكي تظهر لنا بهاذي الصوره الجميلة والممتعة للغاية <<< متعوب عليها هالجملة :g20:
ياحبي لكم ياليت محد يزعل ..
انا بس ودي نكون ايجابين ومتفائلين ونحسن الضن بالله في كل شيء ..
وتكون نيتنا في هاذي الدراسه وكل شي في حياتنا خالصة لله سبحان وتعالى ..
ويارب تسهل علينا وعليكم كل صعب وتنجحنا وتوفقنا يارب......
امين امين امين :071:
وفي الختام ..
اشكر الله عز وجل ثم جامعة الملك فيصل إلي أتاحة لنا الدارسة..
والعميد الله يجزاه خير ويصبره وجميع الطاقم طبعا..
واعذرونا علي الأطالة و الاخطاء الاملائية لين الحين ماخلصت دراسة التحرير العربي :m07:
[/align]