المشاركة الأصلية كتبت بواسطة شوق الـ ع ـمر

اول شي :

ترى العماده مشدده ع الدكاترة في وضع الأسئلة ، بإمكانكم التذمر بس لا تسبون و تدعون عليهم لأنكم محاسبين على هالشي
و حتى العماده شددت عليهم عشانكم لما تتخرجون عالأقل شهادتكم تكون لها قيمه و تعبانين عليها . مو مثل ما هو متداول اللحين بين الناس ان شهادة فيصل عن بعد شربة مويا ! اذا في عدد كبير يبيها عشان الترقيه و ما شابه ! في عدد اكبر يبيها عشان يقدم على وظيفته او يكمل ماستر .


ثاني شي :
تخصص إدارة الاعمال من اصعب التخصصات المتاحة ، اللي بيجلس يتذمر على معادلات او معلومات علميه او دقيقه او متشابهه ، هذا نظام مواد التخصص من اول سنه مافي شي جديد

بإمكانكم التحويل الى دراسات اسلاميه او علم اجتماع او جغرافيا عربي .... الخ
دكاترة طيبين و مواد لزيزه و طعمه ، و لا اقصد الاستهانة فيهم و لكن طبيعة موادهم اخف


ثالث شي :

من يعتقد انه بالثانويه ياليت يركز معنا شوي ، حركات التخطيط و ايش اللي بيجي معنا و ايش المحذوف اعتقد تعدينا هالمرحله و ان حصل هالشي من قبل الدكتور ف هذا تكرم منه يشكر عليه
صحيح حنا انتساب و لكن نبقى جامعيين و توفرت لدينا المحاضرات و كل الوسائل اللي نحتاجها
و لحد يقول داخلين ب فلوسنا ، اجل حطوها بجيوبكم و شوفوا لكم جامعه تقبلكم بنسبكم الفالحه ، محد راح ياخذ الشهادة ب فلوسه !!



رابع شي :

لحد يسوي نفسه مظلوم ، حاسب نفسك اول و تذكر انك ممكن تكون ظالم

- ان تصير عندك شهادة مسماها بكالوريوس على غير حق و جهد !
- ان تظلم مجموعه كبيره من الطلبة تذاكر و تجتهد من اول الترم بعدين تبي يصير حالك من حالهم !


* طبعاً كلامي يستثني ما يحدث فعلا من اخطاء من قبل الدكاترة / مثل الخروج عن المحتوى بغير علم منا و غيرها



اعذروني ع الاطاله بس كان ب قلبي كلام و طلعته
عشان اعرف أذاكر