|
رد: وختاااما .. مجلس مذاكرة مادة التلاوة والتجويد .. وتجميع اسئلة
جوواناا مسااككِ سعادة .. اللهم آمييين واياككِ يارب ..
في نقطة ماقلتها في التعريفات .. اللي هي يمكن يجي احد يقول التعريفات مع ضدها يمكن اني استوعبها بس مسألة تعريف الهمس والجهر والشدة و الرخاوة هذي سببت لي مشكلة أحسها مثل بعض ومتداخله في بعضها .... اقول لكم وشلون تفرقون بينهم بإذن الله بفهمكم للي ابقوله يسهل عليكم تعريف الهمس والجهر و الشدة و الرخاوة ...
أول شي من هالأربعه ( الهمس والجهر | الشدة و الرخاوة ) ابيكم تطلعون وش اللي فيه قوة ووش اللي فيه ضعف ؟؟؟!
أول شي نأخذ الهمس و الجهرر وين القوة وين الضعف فيهم ؟؟! بديهياً الجهر هو اللي له القوة لانه شي ظاهر واعلن بس الهمس هو الضعف مو معناه الخفاء ..
يعني يصير عندنا
الهمس : ضعف
الجهر : قوة
ننتقل إلى الشدة والرخاوة وين القوي فيهم والضعيف ؟؟! بعد بديهيا إن الشدة هي لها القوة أما الرخاوة واللين بتكون ضعف على كذا بيصير عندنا ..
الشدة : قوة
الرخاوة : ضعف
طيب يمكن تتسألون بعد هالتقسيم ما بين ضعف وقوة وش راح نستفيد ؟؟!
بنستفيد إنه القوة تأخذ = كلمة انحباااااس
و الضعف تأخذ = جريااااااان
يعني الهمس يبدأ تعريفها ب جريان لإنه عنده ضعف و الجهر بانحباس لإنه له قوة
ونفس الشي الشدة بتأخذ انحباس و الرخاوة لإنه له ضعف بتأخذ جريان
طيب فيه فرق ثاني بين ( الهمس والجهر ) و ( الشدة و الرخاوة )
إن الهمس والجهر نتكلم فيها عن النفس
إما
الشدة والرخاوة نتكلم فيها عن الصوت
وعلى كذا بيصير تعريف الأربع هو :
* الهمس: اصطلاحًا: جريان النَّفَس عند النطق بالحرف لضعف الاعتماد على مخرجه
* الجهر: اصطلاحًا: انحباس جري النفس عند النطق بالحرف؛ لقوة الاعتماد على مخرجه.
* الشِّدة: اصطلاحًا: انحباس جري الصوت عند النطق بالحرف؛لكمال قوة الاعتماد على مخرجه.
* الرِّخاوة: اصطلاحًا: جريان الصوت عند النطق بالحرف؛ لضعف الاعتماد على مخرجه.
إن شاءالله وضحت لكم ..
|