ملتقى طلاب وطالبات جامعة الملك فيصل,جامعة الدمام - عرض مشاركة واحدة - النظام الأفتراضي الحقوا على ايقونة ,,,,, (((( الإسـتــعــــلام عــن نــتــــــــــائج الإخــتــبـــــــارات )))),,,,,

asmabdul · 2014- 1- 4

اول شي كنت دايم احس ان شكلي يصير دافور لما اطلع بدري ووجهي يصير like a boss، اثاريكم تحسون شكلي واضح ان ماوراي الا الضعوي

اقتباس:

فيه واحد جاء متأخر
ماشفته طلع آله حاسبة من جيبه ولا معه شئ
45 دقيقه الا وهو طالع حنا في إختبار أحصاء والا توحيد !! وانا توني في سؤال 23
ودي اعرف وش امداه يكتب ويفكر ويلون بورقة الإجابة
التعهد لحاله يبي له 45 دقيقة

هذا انا بس النسخه الولاديه
بس انا اجيب حاسبه *اللي ما اعرف استخدمها الا بالضرب والجمع والطرح* وادخل قبل الاختبار، لكن مستحيل اجلس افكر بالسؤال واجد لاني اجيب العييييد اذا فكرت واجلس اعدل واغلط لان مذاكرتي اي كلام والمعلومات ترقل
حلاتي انزل اللي براسي بسرعه، لو يخترعون لي علبه انزل فيها المعلومات اول ما ادخل وبعدين اجلس اطلّع منها اللي ابي بيكون كويس
ما ارفع عيني ليييين اخلص واجلس عاد عقب اتوهق بعيني وين اوديها، مره المراقبه جايه بتشيّك على معلوماتي وتسألني ليش ماكتبتي اسم الدكتور زعلانه منه؟ ضحكت بدون نفس ورفعت راسي كأني بطالعها بس عيني مركزه بورقتي، راحت خذت قلم بتكتبه بعدين قالت سعودي هو؟ قلت همهمهمم وبرضو بدون ما اطالعها
اخاف ارفع عيني وتطير المعلومات، اساسا غلط تكلمين وحده مشغوله بشي زي كذا بغيت اقولها اسكتي شوي بس

يوم خلصت طالعتني وجت بسرعه تشيّك وتسألني وأرد طبيعي، وبقلبي اقول: معليش بس اللي تو مو انا انا.. اللي تو معلومات على شكل انا والمعلومات ماتتكلم

الحمدلله خلصنا وللاسف على ذالدراما اللي اسويها وانا احل بس ارجع واكتشف اخطاء واجد من زين المعلومات يومي مابيها تطير
يالله الحمدلله اهم شي ننجح يارب ننجح كلنا