الا والله نعم ونعم واوافق كثر ما يبون موافقات على الاقل تغنينا عن ورقة الاثبات الدنيا كلها تطورت واحنا لسى ورقه اثبات ناقص نحطها بملف علاقي اخضر ونتردد على الاختبارات وزود على هم الليالي تبصيم وتوقيع
الا صوتوا يشوفون لهم حل لهالاثباتات والمعلومات اللي ننقشها كل اختبار ورمت اصابعي وزغللت عيوني وانا الون في ذا الدوائر ويجيك بعدها التعهد السقيم اللي نعيد كتابته !! طيب وش الحكمه ليه ما نوقع عليه وبس ولا هو زيادة مضيعه للوقت واخر شي تجي المراقبه تاخذ بطاقة الاحوال وتطل في وجهي وتطابق الارقام وبعدين توقيع للمره الثالثة والطامه ( البصمه) !! فيش وتشبيه مو اختبار
والله لو بطلع رئيس البيت الابيض مو بكلوريوس وانتساب بعد!!
يعطونا بطاقه جامعيه وتعتبر اثبات لكل شي و معليش نجيب الاحوال معاها للتاكيد يطابقون معلومات البطاقة الجامعيه بالاحوال بالصوره بالوجه بس خلاص الباقي مسجل عندهم بالرقم الجامعي
بعدين ليه الشباب ما يبصمونهم واحنا يبصمونا !!