|
رد: ترتيب الجدول لمستوى 6 ارجو الدخول وابداء الرأي
يعطيك العافية يالربيع ع الموضوع المهم ولو ان عندي مداخله ووجهة نظر .. اللي فاضي يقرأ لانها طويلة شوي 
اولا اتصور ان موضوع ترتيب الجداول يخص الطلاب اللي ظروفهم الدراسية تحكم عليهم هالشئ واقصد هنا الطلاب اللي مامشوا ع الخطة الدراسية وايضا تخص اللي حملوا مواد وصار في تعارض بالمواد او اللي كنسل مادة بسبب تغير الدكتور ... الخ والاسباب كثيرة .
لكن الطالب وانا واحد منهم ماشي ع الخطة ولله الحمد اموري تمام وحتى ارتحت نفسيا من سالفة تعارض اوقات الاختبارات لان الخطة الموضوعة تعتبر مفيدة من ناحيتين سواء لاوقات الاختبارات وايضا بتكون مفتاح مهم جدا لفهمك لبعض المواد اللي لها مدخل اخر من مادة ثانية واقصد بالنقطة هذي على سبيل المثال مادة (الاساليب الكمية في الادارة) المادة هذي تعتبر مفتاح مهم لمادة ادارة العمليات واكيد انكم عارفين هالشئ فا تخيل لو طمرت على العمليات بدون ما اخذ الاساليب بتكون في صعوبة في اداركها والامثلة كثيرة.
حاليا باقي لي 18 مادة لو قسمتها على 3 مستويات قادمة بتكون 6 مواد لكل مستوى وهذا مناسب جدا بالنسبة لي شخصيا .. الخلاصة بسجل مواد مستوى سادس كاملة مع اضافة مادة قضايا ثقافية معاصرة وتصير الكفة موزونه وما يمنع ادرس بالصيف متى ما كان الاختبار بنفس المنطقة وقتها بيكون للاخلاق الاسلامية نصيب من الصيفي ان شاء الله.
شكرا لك اخوي الربيع وعقبال مانشوف الكل فرحان بالنتائج السنعه 
|