|
إلى جميع اخواني و اخواتي في مستوى سادس
الســـلام عليكم ورحمة الله وبركاتة ،،
أسعــد الله صباحكم وكل اوقاتكم بكل خير وسرور
فتحت هـ الموضوع ودي نتكلم شوي عن الي صار لنا في هالسمستر الشؤم صراحه ، انا ما ادري هل الدكاترة مستقعدين لنا او حنا ما عندنا سالفة او وش العلم بـ الضبط .. !!
في البداية نقول اللهم لك الحمد و الشكر والانسان ماهو مأخذ الا نصيبة والشي الي الله كاتبة عشان كذا لابد ان نقول اللهم لك الحمد والشكر .. ناس تعبت وان شاء الله ما يضيع تعبها ولا يضيع سهرها ،، بـ النسبة لنا احنا كـ انتساب الكل منا مشغول وملتهي بدوامه و عيالة واشغاله ..
وانا قاعد اتحلطم عند الشباب في الاستراحة عن الجامعة والاسئلة ان اغلب الدكاترة قامو يتفلسفون علينا كلن حسب اسلوبه و طريقتة في الفهم وكذا .. وماشاء الله فيه ناس من الشباب معي في الاستراحة جامعيين ( اكاديميين ) على قولتهم.gif "(107)") علموني وش السبب ..!! وعلى فكرة اقتنعت وسلمت امري لله.
أحنا الان في مستوى سادس يعني ان شاء الله نفس هالوقت السنه الجاية كلنا خريجيين ..
قال الى متى تبي يقعد يعطيك الدكتور من المقرر حقك ..
الدكاترة في المستويات الاخيرة يتعمقون في التخصص ويبداء كل واحد منهم يطلع مواهبة واختصاصة لك عشان تثبت ان قد الشهادة الجامعية او لا.. الكل منا وانا اولكم اقول هذي الجامعة ليتني من زمان مأخذها لانها اسهل من الثانوي ..! بس السمستر هذا عرفت ان الجامعة ماهي اي كلام ويبغالها تفتح مخك و تتابع كل دكتور عشان تعرف اسلوبه وطريقة اقل شي عشان تعرف امتحانة كيف بيكون واسلوب الاسئلة حقته كيف بيصير ..
الي اقتنعت منه ولازم الكل منا يقتنع فيه أنه احنا الان في المستوى السادس يعني في عمق التخصص وراح يكون اسلوب الدكاترة كله او اغلبه من الشرح والفهم حقك عشان تقدر تتعامل معاه في اسئلتة ومادتة.
وان شاء الله ما يصعب علينا شي ونحاول ان نعدي كل مادة ونتخرج ونفتك من الفلسفة .. انا كنت احسب الفلسفة تخصص لحاله طلع في كل مادة فلسفة  ...
هذا الشي الي حبيت اوضحه لكم وان شاء الله ربي يوفقنا وننجح كلنا بأحسن الدرجات يارب..
على فكره وانا في الاختبار ما يرفع ضغطي الا السؤال الي يقولك كل ما تحت صح عادا واحده ..
تعال حلني عاد واطلعها يبغاني احفظ كل سطر في المقرر يا دكتور ..
هم وانزاح وبالتوفيق يارب للجميع 
|