على فكرة كل أسئلة الاختبار موجودة بالمحتوى.
ومن ثلاث شهور مكتوب الإعلان بالبلاك بورد، أن المادة يدرسها دكتورين، ومذكور كل واحد ووشهي محاضراته؛ والمحاضرات موجودة والمحتوى موجود.
الشيء الوحيد اللي ممكن تحصلونه إن نجحت الشكوى بالوصول هو السؤال اللي كل إجاباته صح؛ يعني 1.4 درجة.
من حق الدكتور يكتب السؤال بالصيغة اللي يبيها حتى لو ما تعجبنا، لكن مو من حقه أن يخرج عن "المحتوى الدراسي". نعم طريقة صياغة الأسئلة سيئة، لكن هل ممكن تقدم شكوى تقول به "طريقة صياغتكم للأسئلة سيئة"؛ بكل بساطة بيقولون مشكورين عالملاحظة بنعدلها مستقبلاً.
إن بغيتوا "تحجّون القوم" وتحقّونهم، طالبوا بحق؛ أما النفخ بجربة مقضوضة ما ينولكم منه إلا التعب.
أنت تقول أن نص الأسئلة ماهي موجودة بالمحتوى؛ اكتب هذولي الأسئلة وحط معه دليل أنه غير موجودة بالمحتوى، أما الكلام المجاني، مجاني.
موفقين.