السلام عليكم ورحمة الله وبركاته

حبيت انزل نبذه عن مواد مستوى ثاني

وبصراحه محتار شنو اختار من العشره

المسموح به تسع مواد وهم عشره

حبيت انقل كلام الاخت ديما في مستوى ثاني ونبذه تعريفيه عن المواد


ركز على جدول الامتحان لانه مهم على شان ما تضغطون انفسكم


ان شاء الله احصل كل مستوى اول انتقل للمستوى الثاني


واليكم كلام الاخت ديما



النحو التطبيقي 2)
لاحقكم لاحقكم
كأنه كأنه أسهل من النحو التطبيقي 1
الدكتور جزاء تعرفونه أكثر مني
يبي له تركيز وأول بـ أول تشوف المحاضرات
لأن النحو. عشان تفهمه لازم تشوف الشرح
مجرد ماتنزل المحاضره على طول شوفوا الشرح حتى لايتراكم عليكم

*

2- (التلاوة والتجويد)

أنا عندي فكرة عن التجويد من قبل قد درسته قبل ادخل الجامعة
التجويد مره سهل وممتع إذا طبقته وأنت تقرأ القرأن
وتعمتد الماده على الفهم ثم الفهم إذا مافهمت التجويد مارح تحل
الماده مرره قليلة بس يبي لها تركيز كثير وتفلحون إن شاء الله
(الأسئلة) كانت تلخبط جداً لازم تقرأ السؤال أكثر من مره عشان تستوعب
بشكل عام يعتبر سهل

*

3-(فقة السيرة)

أحلى مادة في هذا المستوى تحكي عن سيرة حبيبنا صل الله علية وسلم
تحس انك داخل معهم فكل قصة وواقعه حصلت بذلك الوقت
عموما هو بسيط وكلنا اخذناه في التعليم العام مافية شىء جديد
الأختبار جداً جميل وسهل ابد اعتبروا انفسكم ناجحين من الحين
(الأسئلة) جدا سهله تحل وأنت مغمض خخخخخ

*

4-(القراءة والمحادثة)

المادة جداً قليلة فوق ماتتصورن وسهله وممتعه
تحكي عن طرق القراءه والحفظ وكيف تتكلم مع الأشخاص وتجذب انتباهم لك يعني مفيدة في حياتك اليومية
الدكتور شرحه بطل
(الأسئلة) مرررره كانت سهله

*

5-(مبادىء علم الإجتماع)
ماعندي أي فكرة عنه لإني ماخذته
إذا كتب ربي بسير عليكم وأخذه ذا الترم إن شاء الله

*

6-(إنجليزي كتابة)
(الدكتور:وليد عثمان)
ابد نفس انجليزي مستوى أول بس اسهل بكثير
مرره ممتع واخذناه بمستوى أول واخذناه بتعليم العام
مع ان اسمه يخوف بس والله جميل
والأسئلة ماتقارن ابد بـ اسئلة عمار المعاني
(الأسئلة) سهله سهله سهله واضحه

*
7-(التذوق الأدبي)
(الدكتور:جزاء المصاروه)
مادري أحب الأدب يمكن عشان كذا اشوفه حلو وممتع جداً
عموما هو مثل "النصوص" أيام المتوسط خخخخخخ
(الأسئلة) واضحه جداً وبسيطة *

8-(برامج الحاسب المكتبية)
(الدكتور: العضايله)
المادة دسمة وتلخبط وكثيرة وتعتمد على التطبيق درجة أول
شوفوا المحاضرات وطبقوا وهكذا عشان ماتنسون
وتراها في الإختبار بعد الأنجليزي كتابة والتذوق الأدبي
يعني ضغط إذا بتأخذها لازم تذاكرها قبل بوقت لان بعد الإنجليزي كتابة أو علم الإجتماع والتذوق الأدبي تعب وبعدها مباشره مادة مثل الحاسب ضغط
عليك
*

9-(مبادىء الإحصاء)
(الدكتور:عبدالله النجار)

على العموم مارح اكذب وأقول سهله
بكل صراحه ماتعرف السهولة ابد مرره صعبة وتلخبط تلخبط
الميزه الوحيدة أنه في وقت كبير تذاكر فيه
الجمعه والسبت والأحد والأختبار يكون الإثنين
بس انتم تأكدو الدكتور تغير ولا لا
لكن توكلوا على الله وبتنجحون فيها

*


10-(الإنجليزي قراءه)

حلوه المادة كلها قطع وعليها اسئلة وكلمات جديده نحفظها
الأختبار يجيك قطعتين واحده من داخل المنهج والثانية خارجية
والباقي الأسئلة كلها عن معاني الكلمات الي آخذتها
جميله الماده بجد