حسب تغريدة الدكتور الفريدان ان الشهادة بتكون بكالريوس ادارة اعمال تخصص ادارة
بالعربي هذا تخصص لا يوجد في العالم كله وهو نتيجة اختراع من الجامعة لانهم بامانة ما يدرون وش الطبخة
في ادارة الاعمال في البداية لم تنزل الخطة الدراسية لقسم ادارة الاعمال الا قبل تخرج اول دفعة بترم وبعدين مو عارفين وش المسار اللي يحطون فقاموا اخترعوا
طبعاً من وجهة نظري المتواضعة ان المسار خايس وبقوه ولا اخيس منه الا الجامعة اللي ضيعت وقتنا وجهدنا عشان تطلع لنا بتخصص اقل ما يقال عنه غبي
وعشان تكون الصورة واضحة للجميع فماذا يعني مسار ادارة يعني ادارة شنو بالظبط وشنو المجال اللي يتلائم مع هذا التخصص
يعني بمعنى ادق لو يجيك واحد يبي يتوظف او يبي يحسن وضعة الوظيفي وتخصصه غريب عجيب اسمه "ادارة" وش المجال اللي تقول ينفع له و ممكن تحطه فيه
عموماً وخلاصة القول ان القرار خايس ولا اخيس منه الا صاحب القرار وسلامتكم
ملاحظة: ما اتمنى يجيني احد ويقول اني قاعد اسيئ للجامعة او هذا الكلام جارح ياعمي حنا دخلنا على ان التخصص ادارة اعمال مسار ادارة اعمال ومو من حق الجامعة ترتكب حماقة وتحط تخصص غريب على حساب وقتنا وجهدنا