|
رد: إلى كل من شنّ حملة شرسة على الدكتور النجار
فيه ناس كثيره ردت عليك بردود محترمه بالكامل لكن انتي الي من البداية كلامك غلط في غلط من ردود الأعضاء عليك...
اقتباس:
|
أول شي انا مثلكو اغلاطي كثيير بهالاختبار ولكن الدكتور جزاه الله خير ما قصر شرحه كان شرح كافي وافي ومافي احد ينكر هالشي ..
|
فيه ناس حلت صح لكن الوقت ضيق جداً عليهم و خاصة على مادة مثل الإحصاء، فـ مشكلتك اذا حليتي غلط من العجله
اقتباس:
|
للأسف أن البعض ( وليس الكل ) يدرسو فقط قبل الاختبار بكام يوم ومايدرسو الا من الملزمة وفوق هذا يبغون امتياز !
|
الحمد لله، يعني "الكل" يشتكون على هذا الدكتور، لكن سبحان الله "البعض هم الي ما ذاكرو" لو هذا الكلام صحيح لرأينا "الكل" يمدح الدكتور و يقدره و يثني عليه، ليه؟ لأنهم ذاكرو صح و حلو صح، لكن انتي بنفسك اعترفتي انك مقصره بالمذاكره و حليتي غلط، شنو رأي الي ذاكرو من شهر و أخذو دروس خصوصيه و الخ؟ غير الي صارت لهم ضروف الله أعلم فيها و مع كذا اجتهدو و ذاكرو من البداية؟
اقتباس:
|
والدكتور ما قصر قال جيبو كتاب وقال انه مهم .. لو انه ماقال انه مهم وجاب منه ساعتها نلومه .
|
أعوذ بالله، نشتري كتابه هو؟ يعني ندفع للدكتور أحين مو بس الجامعه، عذر أقبح من ذنب
اقتباس:
|
لكن البعض هم اللي قصرو بحق نفسهم وماجابو الكتاب ( طبعا انا من ضمنهم )
|
هنا يحق لي أقول لك "قل خيراً أو أصمت"
يعني تعترفين بغلطك و تجين تردين على الناس الي ذاكرت؟ مش وجهة رأي هذي، هذي تفاهة و سخافة
اقتباس:
|
لكن حبيت ابين وجهة نظري ...
|
وجهة نظرك غلط، مرفوضه، لا يقبلها لا عقل و لا منطق
اقتباس:
|
ياليت ترتقو باسلوبكو شوي يللي قمتو تسوون ثورة ضدي ...
|
قرأة الردود كلها و الناس محترمه نفسهم قبل لا يعرفونك او يعرفوني، انتي الي كلامك مثل السم و انتي الي خليتيهم بهالشكل عليك...
اقتباس:
|
انا عن نفسي طرحت هالموضوع فقط لأني ماحب ادعي على احد حتى لو ظلمني .. لأن كل واحد جزاءه عند ربه اذا هو غلط بحق احد ..
|
شرعاً أقدر أدعي عليه، ناس ضحت بفلوسها، بأهلها، بوقتها، بجهدها ...... و بالأخير أنظلم؟ ليه؟ دعوة المظلوم مستجابة مع ان المسامحة أفضل، لكن الله سمح لنا بالاختيار، أنا أعفو و أسامح "بالمعقول" مش بهالشكل هذا، وقت الناس لعبه؟ جهدهم و مثابرتهم و تعبهم يضيع هواء؟ مشاعر الناس و طموحاتهم و أهدافهم؟ و الله ما عور قلبي الا الي قالت انها بمستوى ثامن و للحين حامله الماده و الي توفى عليها ابوها
اقتباس:
عموما انا شخصيا اطلب حذف الموضوع ( لأنه صار سبب خلاف بيني وبين الكل الظاهر )
أتمنالكم التوفيق بالمستويات القادمة .. والسموحة منكم اذا ( فتحت جروحاتكم )
|
بعد شنو؟ يعني حتى ردك هذا الأخير و الله انه وقح لأبعد درجة، حتى الآن الكبر و الغطرسه فيك ان كلامك صح و غصب طيب الناس هذي كلها غلط
اقتباس:
|
طبعا ما نزلت هالرد الا عشان تكون ختامها مسك بهذا القسم ..
|
لا هو مسك و لا هم يحزنون، و الله انه سم
أنا صراحة من المستوى الأول و كنت بس أشوف ليه الناس مسوين مشكلة على مادة الأحصاء، و سألت ناس أعرفهم بمستوى ثاني و ردودهم مثل ردود هذا المنتدى، لكن الي خلاني أرد عليك هو مدى البجاحه الي فيك و العناد...
آسفي لكل شخص يعاني من هذي الماده و ان شاء الله ربنا ما يضيع مجهوداتكم
موفقين يا رب
|