ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام ღ.¸¸نصائحكم وارائكم للدفعه القادمه ..¸¸.ღ

Khalooodi2010 · 2014- 1- 6

اقتباس:

المشاركة الأصلية كتبت بواسطة tµ£!p

الله يعافيك يارب.. راح اجاوبك ع سؤالك بالمواد اللي تحتاج الى متابعه

موادي لهذا الترم :

ادارة الجودة : ماده طويله جداً وتحتاج متابعة للمحاضرات لان تعتمد بدرجه كبيره ع الفهم وشرح الدكتور جداً رائع ويوضح بعض النقاط والامثله اللي تساعد في الفهم ..
اخذت تقريباً في مذاكرة في هالماده اسبوع قبل الاختبارات .. انصح الجميع يذاكر هالماده من بدري ولا ياجلها الى وقت الاختبار ..

المحتوى اللي اعتمدت ع المحتوى اللي تعاونت فيه مع الاخ b13 ملخص مثل تنسيق المحتوى الاساسي مع اضافات بعض الملاحظات وشرح الدكتور ..

الاختبار سهل وماخرج ابداً عن المحتوى ..

إدارة المشاريع: ماده سهله وقصيره لكن تحتاج الى تركيز وحفظ .. تابعت المحاضرات ولكن مااستفدت منها شي
اخذت في مذاكرت هالماده 4 ايام وتكفي لها يومين ..

المحتوى اللي اعتمدت عليه للاخ ستاندر الله يجزاه بالخير وهو نفس المحتوى الاساسي لايوجد به اي زياده او نقصان ..

الاختبار سهل جداً وواضح وماخرج عن المحتوى ..

تعاقد وتفاوض : ماده طوووويله وفيها كميه كبيره من المعلومات طبعاً وتحتاج الى فهم وحفظ ..اخذت في مذاكرتها 5 ايام قبل الاختبار .. ونصيحتي تذاكرونها من بدري لان مثل ماذكرت انها طويله

المحتوى اللي اعتمدت عليه وهو للاخ ستاندر الله يجزاه بالخير وهو نفس المحتوى الاساسي لايوجد به اي زيادة او نقصان

الاختبار سهل وكان في بعض الاسئله فيها لف ودوران ..

موضوعات خاصة: ماده طويله وفيها كميه كبيره من المعلومات والنقاط وتحتاج الى فهم وحفظ تابعت كم محاضره ولقيت ان الدكتور فقط يقراء الشرائح .. اخذت في مذاكرت هالماده 5 ايام قبل الاختبار
ونصيحتي لكم تذاكرونها بدري لانها طويله جداً

المحتوى اللي اعتدت عليه وهو للاخ حسون الله يجزاه بالخير وهو نفس المحتوى الاساسي ولايوجد به اي زياده او نقصان

الاختبار جداً سهل وواضح ولم يخرج عن المحتوى ..

اتمنى اني اكون افدتكم ولو بشي بسيط ..

وبالتوفيق للجميع ..

بارك الله في جهودك الغير منقطعه

وهذا مايسمى بالنفع المتعدي والذي لا ينتهي اثره

والدليل ان جميع المستويات قد استفادت ولا زالت تستفيد من نصائحك وتوجيهاتك

جعله الله في موازين حسناتك

واثابك جنات الفردوس

تحياتي وتبريكاتي لجميع الخريجين

وعقبال الدفعات الباقية بمشيئة الله