ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفرق بين تخصص ( إدارة أعمال ) وتخصص ( إدارة )

أابو ميس · 2014- 1- 6

اقتباس:

المشاركة الأصلية كتبت بواسطة htooom

السلام عليكم ورحمه الله وبركاته

معكم حق يا اخواني في فتح هذا الموضوع و مناقشته في ما لا يتعدى حدود الادب او الغلط على اي شخصيه مهما كان صلتها بهالموضوع وانا اشوف ان البعض يتمادى على ناس خدمتنا كثير اولهم الفريدان وغيره ,,, و المشكلة ان البعض ينسون الحاجات الايجابية في الشخص اذا اتى بقرار لا يتناسب مع هواه .

بالنسبه لموضوع مسمى التخصص الفرعي و تغييره (فأنا اول واحد يؤيد هالفكرة) لأن مسألة انهم يخصصونك في احد تخصصات ادارة الاعمال الي هي (محاسبة - الموارد البشرية - التسويق) ماهي من صالحنا و فيها تضييق علينا بعد التخرج .
بتقولون ليه ؟؟؟

السبب الاول : من أراد من خريجي ادارة اعمال في احد التخصصات الي ذكرت فوق مواصلة الماجستير مارح تكون الفرص قدامه كثير من ناحية اختيار التخصص فالماستر
لان انصدمت بصراحة من محدودية القبول في مجلات الماستر لتخصصات ادارة الاعمال مثل التسويق و المحاسبة و الموارد البشرية .

السبب الثاني :
من اراد من خريجي ادارة الاعمال في التخصصات الي ذكرت فوق التعيين و التقديم على الديوان رح تكون فيه محدودية في الوظائف الي رح يشغلها المتقدم .

يعني مسمى بكالريوس ادارة اعمال تخصص ادارة اشمل و افضل
من مسمى بكالريوس ادارة اعمال تخصص محاسبة او تسويق
و بأمكانك انك تتعين بمسمى بكالريوس ادارة في وزارة الصحة او في البلديات او في مكاتب التربية و التعليم كاداري و ليس كتربوي و لكن في المقابل لو جيت بمسمى بكالريوس ادارة اعمال تخصص تسويق رح يكون تعيينك محصور على تخصصك التسويق و لن يكون تعيينك شامل في اي مكان توضع فيه

و كلامي الي قلته هذا بناء على بحث عن طريق النت لمدة طويلة و الحمدلله ان الجامعة اتخذت هالخطوة عشان نحصل من يعطينا وجه في سوق العمل اذا تخرجنا سواء من القطاعات الحكومية او القطاع الخاص

و شاكرين لصاحب الموضوع على هاللفته و تقبلوا مروري ...

يا إخوان انتم فاهمين الموضوع غلط

ما فيه احد طالب بأنه الجامعة تخصصنا في ( المحاسبة أو التسويق أو الموارد البشرية )

كانت المطالبة بأنه شهادتنا تكون ( بكالوريوس إدارة أعمال , تخصص إدارة أعمال )
لاعتقادنا أن تخصص إدارة اعمال يشمل كل هذه التخصصات , وكان خوفنا أن تعامل شهادتنا على اساس انها ( إدارة عامة ) وليس إدارة أعمال .

وما كان فيه أي غلط على الدكتور الفريدان بل كانت مطالبة بتوضيح الأمور بشكل مفصل , وخصوصا إنه رد في تويتر وقال انه التخصص الفرعي موجود من بداية البرنامج ,, وهذا الكلام غير صحيح لأنه اللي كان موجود في بداية البرنامج هو : بكالوريوس إدارة أعمال تخصص إدارة أعمال ( تماما كما هو موجود في جامعة الأمام ) , وهذي غلطة الجامعة إنها كانت موضحتها بهذا الشكل من بداية البرنامج ولا وضحوا لنا إنه في تخصص فرعي اسمه ادارة فقط وانه يشمل هذه التخصصات كلها .

وبعض الاخوان ردوا ووضحوا بأنه بكالوريوس إدارة أعمال تخصص فرعي ( إدارة )
يشمل جميع تخصصات الإدارة وبإمكان خريج هذا التخصص أن يعمل في جميع اقسام المنظمة الادارية سواء إدارة موارد بشرية أو محاسبة أو تسويق أو حتى سكرتارية .
وهذا الكلام منطقي عطفا على المواد اللي درسناها .

لكن كان بودنا هذي التوضيحات تكون من الجامعة حتى تاخذ طابع الرسمية ,, حتى لا تعامل شهادتنا على أنها ( إدارة عامة فقط ) ولا تشمل المحاسبة والتسويق وإدارة الموارد البشرية تحت مظلة واحدة .

وبالنسبة للأخوان اللي كانوا زعلانين ومعارضين مناقشة هذا الموضوع , اتمنى يكون عندكم جواب على هذا السؤال :

س/ هل بكالوريوس إدارة الاعمال تخصص فرعي ( إدارة ) يشمل تحت مظلته إدارة الموارد البشرية والمحاسبة والتسويق ؟؟ مما يتيح للخريج فرصة العمل في أي من اقسام المنظمة الإدارية ؟

يا ليت اللي يكون عنده جواب يكون عنده استناد رسمي , أما من ناحية المنطق فكلنا مقتنعين انه منطقيا هذا الكلام صحيح .

ويا ليت اللي عندهم حسابات في تويتر يوجهوا هذا السؤال للدكتور الفريدان .