المفروض يكون فيه شكاوي واعتراضات من الكارثة يعطونا مسمى ماندري وش قصته ووش وضعه
ندرس على اساس ادارة اعمال ونتخرج ادارة وش السالفة نلعب
والله لو لهم ريال واحد ماتستلم وثيقتك لين تسدده وهالحين يغيرون على كيفهم
فيه في الخدمة المدنية مسار اسمه ادارة اعمال وتخصص دقيق ادارة اعمال
وهذا اللي درسناه والمفروض نتخرج عليه ،،،
اما عشان يفتحون قسم تسويق ومحاسبه قالوا خلونا نصرف هذولا اداره عشان نقدر نفتح اقسام
هذي لعبه كبيرة ونصب واحتيال وهذا شيء مايجوز
الله لايوفق من يلعب في مستقبلنا عشان يوسع مداخيله الماديه
مانسكت على هالنصب والكلام على اهل الدفعه الاولى لايستلمون وثايقهم ادارة
اما ادارة اعمال تخصص دقيق ولا بينا وبينهم المحاكم
الله لايعطيهم عافيه كان من اول ماسجلنا وهم غاثينا غث كل شوي طالعين في سالفة جديده