دره بالنسبه للمعادلات عندك مواد فيها معادلات كثير ومواد فيها معادلات شوي
عندك محاسبه + رياضيات + اداره ماليه + الاساليب الكميه
طبعاً المحاسبه وراها مادتين محاسبه والاداره الماليه ثنتين والاساليب وحده
حسب ماني فاكر والاخوات يصححون لي اذا غلطان
بقولها لك ببساطه من الاخير تخصص ادارة اعمال اعتماده بنسبة ٨٥٪ على الفهم والبقيه حفظ
لاتحطين لنفسك عقبه ورهبه من اي ماده
انا كنت اخاف من الاحصاء بسبب تخويف بعض الاخوان والاخوات لنا من دكتور الماده وبسبب ذلك ماعرفت اذاكر وهالسبب خلاني احمل الماده ونفس الدكتور معانا في التحليل الاحصائي ومن كرهي للماده بسبب دكتورها تركتها من الرابع للسادس واخذتها الترم هذا وبفضل الله اولاً ثم تعاون الاخوان والاخوات ثم تيسير الاختبار من الدكتور تقريباً درجتي بإذن الله ٨٦٪ بإذن الله
شوفي وش صار معاي بسبب الاحباط والخوف ؟؟؟ دفعتي الان باقي لهم ٣٦ ساعهعلى التخرج وبعضهم ٢٩ اللي اخذ صيفي وانا بسبب الرهبه والخوف من هالمادتين تأخرت وبقي علي ٤٠ ساعه :(
انتي فكري بالفرق فقط وهو بين ٢٩ الى ٣٦ ساعه اي فقط ٧ ساعات كفيله بتأخيري ترم او ان اضغط على نفسي وادرس واتخرج مع العالم اذا ربي كتب عمر
نصيحه كلام الناس وتخويفهم لك خليه داعم لك لتحقيق اللي ماقدروا عليه هم وحاولوا التشويش عليك وتخويفك