ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام أعزائي طلاب المستوى السادس سابقا ( قبل الانتقال الى المستوى الجديد ) ضع رأيكـ في مواد المستوى للفائده ~

Dr. Diamond · 2014- 1- 7

اقتباس:

المشاركة الأصلية كتبت بواسطة ليمونة حامضة

يسعدلي يومك يا بوسي

بخصوص مواد مستوى سادس

مبادئ الادارة العامة:
هالمادة ممتعة بالمذاكرة ومعقولة بكمية المعلومات اللي فيها لكن الدكتور سبب لنا خيبة امل وصدمة عاطفية بالاختبار ربي يصلحه بس

النظم المتكامله للمؤسسات:
المادة دسمة دسمة دسمة بشكل كبير من المعلومات، يعني يبيلها مذاكرة بدقة ، الاختبار كان جميل جميل جميل حبيته

ادارة المعرفـــه:
وش احكي وش اخلي ، الطم ، ابكي ، هالمادة بالمذاكرة حلوة وبالاختبار كارثة كونية..

مبادئ التوريد:
لا حول ولا قوة الا بالله بس
شكلي ظلمت احد بحياتي عشان كذا جاني الامتحان كارثي، المادة حلوة والدكتور شرحهه بطل لكن الاختبار سيء (موسيقى حزينة)

القانون التجـــاري:
المادة كثير كثير حلوة وكنت مستمتعة وانا اذاكرها والحمد لله الاختبار جا بشكل حلو ومفهوم ولا فيه لا لف ولا دوران

نصيحة لكم طلالب وطالبات مستوى سادس الجديدين والجديدات
خذو بس مواد سادس ترى الفصل الثاني قصير ولا يحتمل مواد اكثر من اللي مطالبين فيها بهالترم

ربي يكون بعونكم ويسهل امركم وقلوبنا معكم خصوصاً في مواد الدكتور الجيزاوي

يادافع البلا يا ليمونة حامضة

وش الله بلاكم بهالمواد اللي كلها دش في دش وأسئلة إختبار محبطة الآمال

من أي كوكبٍ أتو هؤلاء العلماء الحقودين

عسى الله يكفينا من هؤلاء الفراعنة

ما أقدر أقول إلا الله يفرجكم من هالترم وتنجحون من هالمواد الجهنمية ولا يبقى أحد منكم هنا

ويعطيك العافية ياليمونة حامضة على هالمعلومات الي محتاجينها قبل مانظيف عليها مواد من السابع