كل عام والجميع بخير وبدايه حلوه لكم المستوى الثاني
الحمدلله انهينا هالسمستر بتوفيق من الله أولاً ثم بمساعدة الأخوه والأخوات في المنتدى مشكورين على جهودهم
بالنسبه لي كانت موادي بهالشكل
"التلاوة والتجويد" كانت ماده سهله وجميله جداً ودكتورها اجمل واسئلته سهله جدا كان تأسيسي فيها من البدايه ولابد فيها من الفهم ثم الفهم ثم الفهم لانه بالحفظ مايمشي الحال لازم تعرف احكام النون الساكنه والتنوين وتفصلها عن احكام الميم الساكنه حتى ماتتشابك عليك الاحكام
"القراءة والمحادثه" مادة جميله واسئلتها سهله ودكتورها اجمل كلها معلومات عامه عن القراءه والاستماع
"النحو التطبيقي 2" اسهل من "نحو 1 "ودكتوره جزا شرحه واسئلته حلوه ومافيها تعقيد
"التذوق الادبي" ماده ممتعه جداً لنفس الدكتور واسئلتها سهله ومافيها اي تعقيد
"الإنجليزي كتابه" اسهل من الانجليزي مستوى اول كلها قواعد وكتابة الجمل والفواصل يبيلها فهم وراح تجيبون الفل ماركت ودكتورها متعاون اسئلته سهله ومباشره
الاخلاق الاسلاميه والمذاهب المعاصرة طبعا اخذتها هالسمستر وحذفت علم الاجتماع وفقه السيره
كانت حلوه واسئلتها سهله
"برامج الحاسب "سهله جداً جداً واسئلتها اسهل طبعاً اللي سهلها علي الاخوه اللي بهالمنتدى الجميل ملخصات واسئله ماقصروا
"الانجليزي قراءه" احلى ماده بعد التلاوه من سهوله وتعاون استاذ هالماده كانت من نفس القطع اللي حددها طبعاً احنا اول دفعه للملحم وماقصر جزاه الجنه يآرب آمين
طبعاً "مبادئ الاحصاء" تنذكر ماتنعاد هالماده صعبه ومعقده كنت اشوفها سهله بس عقدنا فيها الدكتور الله يعديها على خير
أسأل الله لي ولكم التوفيق والنجاح