2014- 1- 7
|
#2
|
|
صديقة كلية إدارة الأعمال
|
رد: مالفرق بين جامعه الملك فيصل وجامعه الدمام؟
وعليكم السلام ورحمة الله وبركاته
هل هي جامعه واحده ام ماذا؟
في الماضي كانت الكليات تابعة لجامعة فيصل
وانفصلت جامعة الدمام قبل 5 سنوات تقريبا كجامعة مستقلة
مقر جامعة فيصل بالاحساء ومقر جامعة الدمام بالدمام
هل الجامعتين متوقر فيها تعليم عن بعد؟؟
نعم الجامعتين متوفر فيها التعليم عن بعد
جامعة فيصل الترم هذا بتخرج اول دفعة تخصص ادارة
بينما جامعة الدمام اول دفعة وصلت مستوى رابع < يعني مالها الا سنتين بالتعليم عن بعد
هل الجامعتين متوفر فيهما جميع التخصصات ام كليهما مستقله بتخصصات محدده؟؟
التخصصات في جامعة فيصل اكثر
في جامعة فيصل : دراسات وتاريخ وجغرافيا وعربي وانقلش وادارة اعمال وعلم اجتماع وتربية خاصة من مدة قالوا قفلوا القبول بتخصص تربية خاصة بس ما اعرف مدى صحة هالكلام يفيدونك اللي اخبر مني
في جامعة الدمام : ادارة اعمال , وتسويق , وعلم اجتماع , ودراسات اسلامية
هل الافضل للتعليم عن بعد الملك فيصل ام جامعه الدمام؟
يحدد ذلك الشخص نفسه .. انا كطالبة في جامعة الدمام كنت ادخل على انظمة فيصل لاحد زميلاتي
وكنت اشوف الدمام افضل بكثير والعكس مع احد طالبات جامعة فيصل كانت تدخل لانظمة الدمام لاختها وتشوف فيصل افضل
ما الفرق بين الجامعتين من ناحيه الميزات؟
فيصل عندها مراكز اختبار في كل مكان حتى بدول الخليج بينما الدمام محدودة بخمس محافضات داخل منطقة الشرقية فقط
فيصل عندهم دفع الرسوم من خلال الموقع والدمام لازم تروح البنك او الصرافة وترسل لهم الايصال بريد
فيصل عندهم نظامين للدراسة  والدمام نظام واحد وتنزل درجاتك عليه اول بأول
بالنسبة لمشاكل نظام البلاك بورد في جامعة الدمام يتم حلها بسرعة بعكس فيصل واتوقع هذا يعود الى ان عدد الطلاب بجامعة الدمام اقل والضغط اقل
رسوم جامعة الدمام اقل من فيصل
بجامعة الدمام الساعة بـ 150 وبجامعة فيصل الساعة بـ 165
بجامعة الدمام اذا اجتزت مستويين دراسيين وبشروط معينه فيه امكانية للتحويل للانتظام وبجامعة فيصل اذا كان معدلك 4 تصرف لك مكافأة تفوق 1000 ريال < تدفعها رسوم المستوى الجاي 
مدري اذا نسيت شيء ثاني 
هل الدراسه افضل في الملك فيصل ام الدمام؟ولماذا؟
مثل ماقلت لك يرجع للشخص نفسه عن نفسي اشوف الدمام افضل
اذا كنت تبي دراسة وشهادة فـ الافضل لك الدمام واذا كنت تبي الشهادة فالافضل لك فيصل
قد قرأت لاشخاص ثقة ان شهادة الدمام اقوى وتصنيفها بالتعليم عن بعد الثاني اعتقد بس الى الان ما تأكدت من صحة هالكلام
أن شاء الله افدتك
|
|
التعديل الأخير تم بواسطة Dr. nsroon ; 2014- 1- 7 الساعة 08:29 AM
|
|
|
|