|
رد: استفسار ونتمنى من الجميع المشاركه
اقتباس:
المشاركة الأصلية كتبت بواسطة i'm
طيب الله مساكم بالنور والسرور
عندي استفسار بالنسبه لتخصص الانكليزي
طبعا انا سالفتي طويله لاني محول من جامعه الى جامعه
الشاهد اني الحين بنهاية السمستر الاول بدخل الثاني وحاب اتخصص انكليزي اطلعت على اعلان الكليه وعرفت تاريخ موعد اختبار القبول بالتخصص
السوال مكون من عدة اجزاء
1- هل الاختبار لتحديد المستوى هو اختبار التوفل او اختبار عادي ؟
لا ماهو اختبار توفي هو اختبار تحدد مستوى
2- هل الاختبار صعب مع العلم ان مستواي متواضع بالغه الانكليزيه يعني هل يبيله تجهيز كورس شي من ذا القبيل وله عادي سهل ؟
الاختبار يتدرج من السهل الى الصعب
لكن اذا حاب تجهز نفسك اطلع على القرمر هو اهم شي لان الاسئله مافي احد يقدر يتوقعها
3- كيف طريقه الاسئله ؟ ولو في احد من اللي اختبرو يذكر سؤال يطرحه
الاسئله اختيارية
والاسئله عن القرمر
وتختار الكلمه المناسبه للجملة
4- كم النسبه المطلوبه عشان يقبلونك بالتخصص ؟
مافي نسبه معينه هم يختارون اللي جابوا اعلى
5- لو اختبرت ومانقبلت في الانكليزي هل اقدر اتخصص في شي ثاني برغبتي وله هم يحطوني عشوائي ؟
اذا مانقبلت يحطونك برغبه الثانيه وبعض الاحيان يذبحونك في اي قسم
وفي الاخير اسف على الاطاله افيدونا بتجربتكم ولكم مني جزيل الشكر والتقدير |
اهم شي انت تفائل وخل عندك قناعه وثق بالله
وان شاء الله تدخل القسم وتبدع فيه فالك التوفيق
|