السلااااام
انا ضد وبشده زي ماهو محطوط بالاستفتاء
لانو حنا شبابنا ماقصرو ماعاد يخلون البنت اذا راحت السوق تعرف تتسوق زين بسبب اللي يجيها من التحرش والمغازل والترقيم وهالحركات
كيف اذا البنت ساقت
والله بيصير تسيب
لان حنا شبابنا ماسكينهم مو زي الدول العاديه عادي عندهم يشوفون البنت تسوق يعني لو تسوق البنت هنا بصراحه ماتستغربين لو عشر سيارات شباب يلاحقونها
وبعدين يمكن تصير حوادث كثير وحالات خطف
والله محنا ناقصين حالات خطف وخطيف
البنت وش بيكون موقفها اذا هي بسيارتها وحدوها شباب بكذا سياره من كل جهه
طيب خلينا من سالفه الخطف
اذا بنشر الكفر وش تسوي يعني معقوله بنت بيبنشر كفرها (بتشمر) بترفع عن كمومها وتغير الكفر لحالها!!!!!!!
طيب اذا بنشر الكفر وهي بالبر وبالليل وش بتسوي؟! <<< تكثر الذئاب
طيب اذا غرزت بالسياره
طيب اذا واذا واذا واذا
يعني والله صعبه تصير عندنا بالسعوديه
اذا بنت مشتهيه تسوق سياره تروح للبحرين والا الكويت والا قطر والا الامارات والا اي دوله خليجيه معروفه وتركب سياره وتدق سلف وخلاص
انا ما أعم شبابنا بالحكي اخص فئه من الشباب اللي ماعنده شغل ولا مشغله
والله حنا في نعمه بس محد حاس فيها
والله نعمه ان لك سواق يوديك للمكان اللي تبين وينتظرك لين تخلصين ويرجعك لبيتكم سوائن كان ابوك او اخوك او زوجك
وش لكم بالسواقه وعوار الراس
اتمنى مااحد يزعل من كلامي
انا بطبيعتي واقعيه كثير
والواقع يقول كذا
انا من وجهه نظري اايد ان الحرمه تسوق في حاله وحده
اذا ما كان عندها محرم او رجال يعني يكون متوفي وعيالها صغار
او مقطوعه من شجره يتيمه لا اخوان ولا اب ولا عمام ولا خوال ولا زوج
تقبلوا اعذب تحياتي
دلال