يا جماعة انا ودي مثل ما ودكم اننا نتفق على كلمة وحدة لان وقت الاختبارات حلو نتعاون ونحس ببعضنا
اللي كنت باقوله انا معكم مثل ما تختارون راح اختار لكن ودي اوضح كم شغلة ..,
المستوى الثاني فيه بعض المقررات فيها صعوبة يعني مو نفس بساطة المستوى الأول
فيه بعض المواد راح تكون شوي فيها صعوبة بغض النظر عن المواد الانجليزية لأننا كلنا ما اخترنا هذا التخصص الا وحنا عندنا خلفية عن اللغة الانجليزية وراغبين فيها باذن الله
الإحصاء .. يقولون انه صعب والدكتور مصعبها حبتين
التذوق الأدبي .. اللي هو عبارة عن مادة النصوص في الثانوي المادة راح تكون دسمة بدون شك
النحو التطبيقي .. فعلا مادة جربناهاا المستوى الاول وكانت صعبة وقت المذاكرة
الحاسب .. الوورد والبوربوينت حلوين وممتعين اما الاكسل لا وألف لا جداً سيء عن تجربة درسته في دورة الحاسب
مباديء علم الاجتماع مادة كثيفة من حيث المعلومات وكثرة العلماء. < من وصف ام عمر
السؤال ..يا ترى هل نقدر على المقررات مع بعض والاحصاء معهم او ان اهون علينا نبعد الاحصاء ونخلي النحو التطبيقي ؟؟
اللي فكرت فيه هو الضغط اللي راح يحصل وقت الاختبارات لأن مثل ما انتو شايفين يوم ورا يوم الا ما ندر وحتى لو قلنا راح نذاكر قبل الاختبارات فالشيء هذا ما يمنع اننا راح نتعب ونتمنى نلقى وقت نرتاح فيه وما راح نلقى
بالاضافة الى >> ملخصات هتان اللي هونت علينا في المستوى الأول الله العالم بنلقاها المستوى هذا والا مافيه !!! طبعا مو تقصير من اخونا هتان لان لو بيده عطانا الاسئلة الله يوفقه وييسر امره , لكن اللي اقصده ان التبسيط يمكن يكون للمستوى الاول بس
ما ندري وش اللي جاي وان شاء الله انه كل خير ويا رب يكون ترم ممتع وسهل لنا كلنا
مجرد اقتراح وشوي توضيح للي راح يصير باذن الله والقرار لكم وانا معكم في اللي تختارونه