|
رد: فقه السيره ( ختامها مسك بإذن الله )
ساره + زهره + ريمنقو
الكل تذمر من اسئلته وبانت عليه النرفزه وكل شوي ناط واحد بوجهه يقول له اسئلتك خطأ مافيها الاختيارات الصحيحة
واسئلتك صعبة .. ببداية المحاضرة اكثر الطلاب ما كانوا يدرون انه هو دكتور المادة .. بس لما كثير من الطلاب انصدم بالاسئلة وحب يستوضح من أحد الدكاتره الموجودين أشّر لهم عليهوقال هذا دكتور المادة .. محد كان متوقع إنه هو نفسه الطيار شكلهم كانوا يدورون واحد لابس ثوب قصير وملتحي .. عالأقل هذي الصورة اللي كنت راسمها انا عنه من خلال طريقة شرحه بالمحاضرات المباشرة .. كنت راسم عنه شخص وقور جادّ
ما دريت انه هو نفسه اللي معنا كل يوم
ورقة الاسئلة والاجابة ما سلمها لكثير من الطلاب ومنهم ابو مازن الا الساعة 3:15 بعد ما استلم الاستبيان
تخيلوا .. يعامل الدكاتره اللي معه بالمراقبة كالصبيان ويتأمّر عليهم ومزعج جدا كثير كلام حتى بالجوال مرة جلس يتكلم بالسبيكر .. يعني مو كافي إزعاجه زاد علينا إزعاج اللي يتكلم معاه
أتذكر أول يوم بالامتحانات قال أحد المراقبين الله يعينكم على إزعاجه وظنيته يمزح
من القهر اللي في الطلاب من صعوبة الاسئلة صرنا نسوي تصويت على الإجابات عينك عينك وهو يشوف وساكت ولا قال شي على غير العادة .. يظهر ضميره أنّبه
أتوقع أنا وابو مازن والبقية بناخذ نفس الدرجة 
|