|
رد: مراجعه مادة مبادئ الاحصاء
اقتباس:
المشاركة الأصلية كتبت بواسطة اهلاوي ملكي
صبحكم الله بالخير
انا غطست في هالمادة لي يومين اشغل المحاضرات اقابل مسيو فراس
ومعاه مثل ظله تبارك الرحمن شرح واضح ومادة سهلة جدا بس الزين مايكمل مشكلتها بلاويها كثير يعني تخلص من واحد وتعرفه يجي بعده 10 تخلصهم تلقى بعدهم 100 مايخلصون .. شوي ولا انت مضيع الاولات كل اللي عرفتهم مسحهم المخيخ وصار فاضي يصفر خاوي وترجع تلقطهم من جديد
هذه المادة مستحيل احفظها في 3 ايام هذة تحتاج 5 اشهر المنهج متروس ترس من المعلومات
وصلت اخر محاضرة ونسيت شي اسمه مركز الفئات والفئات الفعلية
عليه قررنا مايلي
بعون الله نحن اهلاوي ملكي وبعد الاطلاع على منهق الاحصاء للمستوى الاول والمتضمن العشير وبيرسون اصدرنا قرارنا رقم الوسط الحسابي بتاريخ السلاسل الزمنية بان سوف نخوض الاختبار هذا اليوم الاحد بمعلومات من اول المنهج الى المئينات فقط وطز وسبعين طز في باقي المنهج بغى يسبب لي الجنون وطز في كل العلامات اهم شي اشتري عقلي عابالك لو تخرجت ابي اروح امتر الشوارع واحصي كم طابوقه في كل رصيف خلاص الى هنا كفاية
عندي 30 علامة عطوني 30 مثلها مكدة 3 ايام بلياليهن والباقي 40 ياخذوه ويتقاسموه اهم شي يفكوني من ذا الاحصاء المفرطح .. والله مايشوف مني الا الى العشيريات والربيعات وبعدها لاشوفه يسألني عن شي
واي سوال خارج الاتفاق اصفقة بحرف دي اللين تنتهي الاسئلة وهو وحظه عاد يتصرف اللي علي سويته
محاضرات وحملتها واجبات ونقشتها ومحتوى وحملته ومحاضرات مباشرة وحضرتها مذاكرة وذاكرت و30 علامة فزعتله فيها وضغطت على نفسي وجبتها يعني عداني العيب خلاص الباقي عليه يدفني فوق p60 المئين 60 وينجحنا واذا هو كريم وحنا نستاهل يخليها على الربيع الثالث q3
|
ماشاء الله عليك
|