2014- 1- 12
|
#6
|
|
أكـاديـمـي فـضـي
|
،’
ياخوي البنت
ثلاث أرباعها .. عطف وحنان وحب
والربع الأخير / القلب
يوزع هالثلاث أرباع
،’
تعالي نموت
على صدر الورق .. ونفوت
مابين الشعر .. والإحساس
مابين الحـرف .. والقرطاس
يكون أجمل !
من الموت العظيـم .. اللي تعيشينه
من اوقات الفـراغ .. وكل سكاكينه
من الهم الكبير اللي .. ورى عينك تخبينه
لاصرتي انسانه [ ممنوعه ]
وَ .. من العادات مصنوعه
يطاردك السؤال بـ ليش
....... وليش ؟
مع كل .. لحظه ولحظه
أمامك .. نقطة التفتيش
كتبتي شعر!
سهرتي ليش !
ومنو اللي جاب لك هالعطر!
ومنو بنته !
وشنهو اسمك واصلك !
قولي عمرك وفصلك !
واذا رحتي عليك انظار
وعلى انظارك ..
رقابه محكمه من الكل
واذا مره تبسمتي .. !
ياويلك .. مالك أي اعذار
مع كل عين .. موعوده
وموؤده ..
ولكنك .. [ تنفستي الهوى ]
وتمشين ..
مع كل عين .. موجوده
على المجهر .. تكوني انتي
[ مرصوده ]
واذا طقو .. خواطيبك
عليك الباب .. يكون الرد :
( ولو بنتي ذبيحه ماتعشيكم )
نصيبك جاك .. يا أما انسان !
يا أما يكون هذا الجاي :
هو ذيبك .. ذبيحه وماتعيشكم !
[ في بعض احيان ] ولو هو نار
يكون أرحم :
من الأهل .. ومن الأصحاب
... ومن جمرة لواهيبك
تكوني بين نار .. و نار
وانتي .. تبعثري اشياءك
ما شافك غير .. اصابيعك
بسيطه حيل !
...... ولكن عندهم اسرار
بعد هذا .. على الشباك :
ذبولك [ موّت ] الازهار
جرحتي الامس .. وناديتي
ولا احد حس .. وناديتي !
ظلام ٍ كل ماحولك
وناديتي وناديتي وناديتي ... !
مع أن [ الكل ] هو يسمع
يشوف [ ولا يبي يكرم ]
جفونه .. لخاطرك يدمع
وهذا الكل .. ماتدرين !
هو اللي شارك .. [ بقتلك ]
من اول رعشة .. باحلامك
إلى [ اخر نبضه ] من كلك
تعالي نموت !
.. على صدر الورق .. ونعيش
مدام أصبحتي الجثه .. وانا الشاهد
وغرفة بيتك .. التابوت
|
|
|
|
|
|