ملتقى طلاب وطالبات جامعة الملك فيصل,جامعة الدمام - عرض مشاركة واحدة

Dr.Lavender · 2014- 1- 12

اقتباس:

المشاركة الأصلية كتبت بواسطة منال تركي

بديت الاحظ مواضيع فضاوة انتظار النتايج تزيد صراحه !
ترا مو كل سالفه تطري عليكم لازم تسوون موضوع ، انتم قاعدين تنفخون بقربه مشقوقه
الاخت اللي تقول المفروض مافيه رسوم خلينا نتكلم بالواقع بدون احلام ، حننا دخلنا هنا وكان عندنا علم بالرسوم ليش الحين نسوي شوشره ونشغل انفسنا وغيرنا بامور مستحيله وتعطي الغير امل ع قل سنع !
اظن اللي ماعنده استطاعه ماكان اخذ قرار ودخل هنا العالم تدفع مئات الالاف بس عشان تتعلم وحننا رسومنا ولا شي ثاني شغله من قالك ان الشهاده مو معترف فيها او مافيه وظايف لها من مصدر هالاشاعات هذي الشهاده مسارها بالتوظيف ماشي وامورها زينه .

لفته اخيره لاهنتو
اتمنى وياليت ان مو كل شي يطري عليكم تكتبونه بدون تفكير كامل بالموضوع مانبي نصير شعب بس نهذر ع الفاضي والاستفتاءات اكثرت والعالم انشغلت عن دراستها بمطالبات وامور مالها اي سنع ..

اولاً انا ماكتبت الموضوع من فضاوه
انا كتبت الموضوع لاسباب اولها مافي احد ما يتمنى ما يكمل تعليمه مهما كانت الاسباب حتى لو يتسلف المهم يكمل ومضطرين على هالشي
الشي الثاني اللي نرفزني الموضوع اللي نزل بصحيفة سبق
وسخرية الامه بشهادة الانتساب الكل يحتقرنا ويضحك علينا وبأننا طلبه فاشلين وحدنا انتساب
وشوفي معاناة الطلبه الخريجين انتساب بدون وظائف
وكانت ردة فعلي طبيعيه ليش المبالغه في الرسوم وفي الاخير يروح تعبنا على الفاضي
ومدام الشغله تعب على الاقل يراعون تعبنا ويخفضون لنا الرسوم اذا كان فقط الغرض شهاده وبس
ومافيها شي نطالب بحق من حقوقنا كطلاب منتسبين بتخفيض الرسوم على الاقل
مو من كل الجهات الباب مسكر قدامنا ولا وش رايك ؟؟
ع العموم وجهة نظرك واحترمها
والكثير هنا مو عاجبهم الوضع وراضين بالرسوم اللي مدري وش الغرض منها في الاخير
اوكـ . . اللي مرتاح من المبالغه في الرسوم يكمل