المشاركة الأصلية كتبت بواسطة Haano..

انا مستوى ثالث وقلت قبل في موضوع مسبق انه يمكن يشوف البعض انه ممكن اتلاحق عمري!! لكن برضه انا طالبه احترت بين كذا جامعه تناسبت ظروفي مع جامعة الملك فيصل وحبيت كلية ادارة اعمال تخصص ادارة اعمال واخترت الجامعه والتخصص وانا بكامل قواي العقلية وكنت مستعده ادرس كل المواد اللي يواجهها اهم شئ عندي انه اتخرج بالشهاده اللي تناسبني واللي اخترتها انا....
المعنى انه انا مايخصني اذا تخصص اداره هذا موجود على ارض الواقع او لا! ياخي مايهمني اذا هو احسن من ادارة اعمال!! انا اللي يهمني احترام عقليتي ورأيي واختياري بما يخص تخصصي.. واللي قاهرني اكثر انه في طلاب مدري وش وضعهم بالضبط قاعدين يقنعون طلاب المستويات الاولى انه هذا شئ جميل وشئ رائع.. وبعض الطلاب اللي دوبهم بدأوا يمكن يجهلوا حقيقة الموضوع ومصدقين ..
ياخي ماعاد ادري وش اقول الا اني ابغى تخصصي،، سنه كامله ضاعت من غير السنين اللي قبل يوم اضطريت ما ادرس .. مدري ليه احنا متعودين انه نسكت عن حقوقنا والى متى... بعضكم موظف ويرغب في اي شهاده ويمشي ويدفع فلوسه من راتبه ومرتاح،،لكن حطوا في بالكم ان البعض مستقبله لسا مابدأ وحاب يكمل بهذا التخصص عشان يحصل على وظيفه تعوضه شقاء العمر وخصوصا انه البعض يحفى ويموت مئة موته عشان يدفع حق المستوى اللي بعده يعني ماعنده الا حلين اما انه يرضخ لامر الجامعه ويرضى بالقليل عشان مايتكبد خسائر اكثر ويكون ذاك الضعيف اللي التموا عليه الجماعه..او انه يروح لجامعه ثانيه ويعيد كفاحه من جديد ويطلب العوض من الله على مافاته،،..
الموضوع مو موضوع اداره واو وجميل الموضوع انه لو لاحظتوا شوي انه عقولنا يستخف فيها! !
الزبدة ابغى تخصصي:(