يـا قـو قلبـك علـى الصـده ويــا صـبـرك

ويا وسع صدري على صدك ويا صبري

ويـا طـول عمـرك بذاكرتـي ويــا كـبـرك

ويا شيب عيني بشيّب عـاد ذا كبـري ؟!

والله لو إن حمل صبري فوقك إن تبـرك

والله ولــو تعـتـذر مـنـت بعـلـى خـبـري

إن مـا جبـرت الغـلا مقـدر علـى جـبـرك

ياللي على أرض الوفا ما شبرك بشبري

تزعـل وتـرجـع وتلقـانـي عـلـى خـبـرك

وأنـا أنكسـر لــك وأجـيـك أدور لجـبـري

أمحـق وليـف ومحـبـة ولا أقــول أبــرك

حسبي عليك أعشقك وإنت تحفـر قبـري